Roman Baranovski

• Doğulduğu il: 1974 (Saratov vilayəti, Balakovo şəhəri)

• Bioqrafiya. Təmir işləri ilə məşğul olaraq özünü və anasını təmin edir. Gitara çalmağı, şahmat və futbol oynamağı sevir.

  Yeniyetməlik illərində həyatın mənası ilə maraqlanmağa başladı. Bəzən Allahdan xahiş edirdi ki, ona düz yolu göstərsin. 1993-cü ildə Yehovanın Şahidləri ilə Müqəddəs Kitabı araşdırmağa başladı. 1997-ci ildə vəftiz olundu.

Valentina Baranovskaya

• Doğulduğu il: 1951 (Qazaxıstan, Vannovka kəndi)

• Bioqrafiya. 2006-cı ildə pensiyaya çıxana qədər mühasib işləyib və maliyyə menecmenti üzrə mütəxəssis olub. Yemək bişirməyi, mahnı bəstələməyi və şeir yazmağı sevir.

  1995-ci ildən oğlu ilə birgə Müqəddəs Kitabı araşdırır. Allahın yalan danışmayan Allah olması ona xüsusi təsir bağışlamışdı. 1996-cı ildə vəftiz olundu.

10 aprel 2019-cu il tarixində axşam saatlarında Abakan şəhərində hüquq-mühafizə orqanlarının əməkdaşları, Roman Baranovski və anası Valentinanın yaşadığı ev də daxil olmaqla, dörd evə basqın etdilər. Onlar Müqəddəs Kitabları, elektron cihazları və şəxsi sənədləri müsadirə etdilər. Roman və Valentina barədə cinayət işi açdılar.

Roman xatırlayır: «Evimizə basqın ediləndə həftəiçi keçirilən yığıncaq görüşündə idik və 1 Korinflilərə 10:13 ayəsini təzəlikcə müzakirə edib qurtarmışdıq. Görüşdə vacib fikir səsləndi — Yehova hansı sınaqdan keçəcəyimizi müəyyən etmir... O, belə fikirləşmir: “Sən güclüsən, deməli, bu sınağa dözəcəksən. Sən isə zəifsən, ona görə sənə daha asan sınaq düşür”. Əgər belə olsaydı, hər şey insanın öz gücündən asılı olardı. Hamımızın başına istənilən sınaq gələ bilər. Və biz sınağa Yehovanın gücüylə dözə bilərik».

2020-ci ilin iyul ayında Valentina insult keçirdi. O xatırlayır: «Səhhətim getdikcə pisləşirdi, amma həmin vaxt mən daha çox hiss edirdim ki, Yehova yanımdadır və sanki məni əllərinə götürüb. Çünki heç vaxt dua etməyi dayandırmırdım. Sözlə ifadə edilməz qəlb rahatlığı hiss edirdim».

Bütün bunlardan Valentina vacib nəticə çıxardı: «Atamıza əbədiyyət boyu xidmət etməyə və hər vəziyyətdə Ona sadiq qalmağa qəti qərarlıyam».

Roman deyir ki, Allahın dözüm göstərmiş qədim və müasir xidmətçilərinin nümunəsi üzərində düşünmək imanını möhkəmləndirir. Onlar barədə düşünərkən o, özünə bu sualları verir: «Onlar hansı vəziyyətə düşmüşdülər və niyə? Onlara sadiq qalmağa nə kömək etdi? Yehova ruhu ilə onlara necə dəstək oldu?» Bu suallara verdiyi cavab Romanı əmin edirdi ki, sınaqdan asılı olmayaraq, «Yehova, lazım olsa, insan gücündən üstün olan güc verəcək».

Dua edirik ki, Roman, Valentina və Rusiyadakı bütün əziz bacı-qardaşlarımız Yehovaya həmişə onların güc mənbəyi və pənah yeri kimi baxsınlar (Zəbur 46:1).