2 sentyabr 2020-ci il a, Beryozovski Şəhər Məhkəməsi (Kemerovo vilayəti)

Altı il yarım müddətinə həbs

Sergey Britvin

• Doğulduğu il: 1965 (Kemerovo vilayəti)

• Bioqrafiya. Uzun illər krançı və yük maşını sürücüsü işləyib. Səhhəti ilə əlaqədar vaxtından əvvəl pensiyaya çıxıb. İdmanı sevir

• 1992-ci ildə Natalya ilə ailə həyatı qurub. 1995-ci ildən etibarən Müqəddəs Kitabı araşdırır. Ölənlərin diriləcəyi barədə təlim onu cəlb edib. Bir neçə ildən sonra həyat yoldaşı ondakı çoxlu müsbət dəyişiklikləri görüb Müqəddəs Kitabı öyrənməyə başladı

Vadim Levçuk

• Doğulduğu il: 1972 (Kemerovo vilayəti)

• Bioqrafiya. Qeyri-dindar ailədə böyüyüb. 14 il şaxtaçı işləyib

• 1992-ci ildə Müqəddəs Kitabı araşdırmağa başlayıb. 1997-ci ildə Tatyana ilə ailə qurub. İki oğlu var. Bütün ailə Müqəddəs Kitab prinsiplərinə uyğun yaşayır. Onlar idmanı və təbiət qoynunda istirahət etməyi sevirlər

22 iyul 2018-ci il tarixində Federal Təhlükəsizlik Xidməti (FSB) Beryozovski şəhərində dindaşlarımızın yaşadığı səkkiz evə reyd keçirdi. Hər iki qardaş tutulub sorğu-sual edildi. Kemerovo Vilayətinin Mərkəzi Rayon Məhkəməsinin qərarı ilə onlar məhkəməyədək həbsə alındı. Təxminən bir il yarım onları həbsdə saxladılar. 25 dekabr 2019-cu il tarixindən onlar ev dustaqlığındadır.

Ümumilikdə Kemerovo vilayətində beş qardaşımız barədə cinayət işi açılıb. Rusiyada həbsdə olan bütün bacı-qardaşlar barədə hərarətlə dua edirik. İbranilərə 13:3 ayəsində deyilir: «Həbsdə olanları yaddan çıxarmayın, elə bilin ki, siz də onlarla birgə həbsdəsiniz, pis rəftara məruz qalanları da unutmayın, çünki siz özünüz də hələ yerdə yaşayırsınız».