Hadisələrin gedişatı

1. 22 noyabr 2021-ci il tarixində Pervoreçenski Rayon Məhkəməsi (Primorsk vilayəti, Vladivostok şəhəri) Dmitri Barmakini təqsirsiz bildi və onun barəsində bəraət hökmü çıxardı. İlk dəfədir ki, Rusiyada məhkəmə Rusiyanın Cinayət Məcəlləsinin 282.2(1) (ekstremist təşkilatın fəaliyyətini təşkil etmək) maddəsi ilə ittiham olunan Yehovanın Şahidi barədə bəraət hökmü çıxarır. Məhkəmə Dmitrinin üzərinə qoyulmuş məhdudiyyətləri götürəcək. Prokurorluq qərardan şikayət verməsə, qərar 3 dekabr 2021-ci il tarixində qüvvəyə minəcək.

2. 20 aprel 2021-ci il

   Cinayət işi təzələndi.

3. 18 dekabr 2020-ci il

   Sübutların kifayət olmadığı əsası ilə cinayət işi prokurorluğa qaytarıldı. Müəyyən hərəkətlərə qoyulmuş qadağalar götürülmədi.

4. 18 oktyabr 2019-cu il

   447 gündən sonra Dmitri azad edildi. Müəyyən hərəkətlərə qoyulmuş sərt məhdudiyyətlər qaldı. Məhkəmə məhkəməyədək həbs müddətini on dəfə uzatmışdı.

5. 28 iyul 2018-ci il

   Səhər saat 7-də bir qrup silahlı maskalı şəxs Dmitrinin həyat yoldaşı Yelenanın 90 yaşlı nənəsinin evinə soxuldu. Dmitri ilə Yelena yaşlı qadına baxmaq üçün ora getmişdilər. Ər-arvadı tutub oradan 177 kilometr uzaqlıqda yerləşən yaşadıqları Vladivostok şəhərinə apardılar. Dmitrini istintaq təcridxanasına saldılar.

6. 27 iyul 2018-ci il

   Dmitri Barmakin barədə cinayət işi açıldı.

7. 2017-ci ilin oktyabr ayı

   Federal Təhlükəsizlik Xidmətinə (FTX) işləyən 30 yaşlı qadın özünü Müqəddəs Kitabla maraqlanan adam kimi qələmə verərək müxtəlif bacı-qardaşlarla söhbətlərini gizlicə kameraya çəkirdi.