Komi Respublikasının Peçora Şəhər Məhkəməsində tezliklə Nikolay Anufriyev, Eduard Merinkov, Gennadi Polyakeviç, Aleksandr Prilepski, Viktor Şannikov, Gennadi Skutelets və Aleksandr Vorontsovun işi üzrə qərar elan ediləcək. Prokuror onlar üçün istədiyi cəza növünü hələ bildirməyib.

1. 28 yanvar 2020-ci il

   Hüquq-mühafizə orqanları Komi Respublikasında Yehovanın Şahidlərinin yaşadığı 12 evdə axtarış apardı. Gennadi Polyakeviç və Gennadi Skutelets barədə cinayət işi açıldı.

2. 30 yanvar 2020-ci il

   Gennadi Polyakeviçi istintaq təcridxanasına, Gennadi Skuteletsi isə ev dustaqlığına saldılar.

3. 20—25 may 2020-ci il

   Peçora şəhərində bacı-qardaşlar cinayət işi ilə əlaqədar potensial şahid qismində sorğu-sual edildilər. Bir qardaş müstəntiqin hədə-qorxularından sonra insult keçirdi. Qardaş artıq sağalıb.

4. 26 iyun 2020-ci il

   Gennadi Polyakeviçin məhkəməyədək həbs müddəti uzadıldı. Hakim Gennadi Polyakeviçin «qəsdən ağır cinayət törətməkdə», o cümlədən «hakimiyyət orqanlarının təqiblərinə baxmayaraq, Yehovaya xidməti davam etdirməyin vacibliyi haqda danışmaqda» ittiham olunduğunu əsas gətirdi.

5. 24 avqust 2020-ci il

   Hüquq-mühafizə orqanları Yehovanın Şahidlərinin yaşadığı daha 12 evdə axtarış keçirdi.

6. 10 noyabr 2020-ci il

   Aleksandr Prilepski, Aleksandr Vorontsov, Eduard, Nikolay və Viktor barədə cinayət işi açıldı. Onların işi Gennadi Polyakeviç və Gennadi Skuteletsin işi ilə birləşdirildi.

7. 25 noyabr 2020-ci il

   İstintaq təcridxanasında 300 gün saxlanıldıqdan sonra Gennadi Polyakeviç ev dustaqlığına keçirildi.

8. 27 yanvar 2021-ci il

   Ev dustaqlığında keçirdiyi 363 gündən sonra Gennadi Skutelets azad edildi.

Biz əminik ki, Yehovanın kəramətli Allah olduğuna iman edənlərin heç biri nə indi, nə də gələcəkdə mükafatsız qalmayacaq (Zəbur 27:13).