Tambov Vilayətinin Kirsanov Rayon Məhkəməsində tezliklə Anton Kujelkov və Nikolay Proxorovun işi üzrə qərar elan ediləcək. Prokuror onlar üçün istədiyi cəza növünü hələ bildirməyib.

1. 21 dekabr 2020-ci il

   Ekstremist təşkilatın fəaliyyətini təşkil etməkdə ittiham olunan Anton və Nikolay barədə cinayət işi açıldı.

2. 24 dekabr 2020-ci il

   Antonun da evi daxil olmaqla, hüquq-mühafizə orqanlarının əməkdaşları 19 evdə axtarış apardılar. Antonu evindən 350 kilometr uzaqlıqda yerləşən yerə aparıb orada sorğu-sual etdilər. Nikolayı sorğu-sual etdikdən sonra ondan başqa yerə getməmək barədə iltizam götürdülər.

3. 25 dekabr 2020-ci il

   Antonu evə buraxmadılar. Onu istintaq təcridxanasına saldılar.

4. 30 avqust 2021-ci il

   Antonu başqa təcridxanaya keçirdilər.

Biz əminik ki, Yehova təqib olunan əziz dindaşlarımıza həmişə cəsarət verəcək (Məsəllər 1:33).