13 oktyabr 2023-cü il tarixində Oryol Şəhərinin Sovetski Rayon Məhkəməsi Vladimir Melnik, Vladimir Piskaryov və Artur Putintsevi təqsirli bilərək altı il həbs cəzasına məhkum etdi. Qardaşlar 2020-ci ilin dekabr ayından təcridxanadadırlar.

1. 8 dekabr 2020-ci il

   Vladimir Melnik, Vladimir Piskaryov və Artur Putintsevə qarşı cinayət işi açıldı.

2. 9 dekabr 2020-ci il

   Oryol şəhərinin hüquq-mühafizə orqanlarının əməkdaşları, bu 3 qardaş da daxil olmaqla, Yehovanın Şahidlərinə məxsus 8 evdə axtarış apardı. Onlar müvəqqəti saxlama kamerasına salındı.

3. 11 dekabr 2020-ci il

   Vladimir Melnik və Vladimir Piskaryov istintaq təcridxanasına göndərildi.

4. 14 dekabr 2020-ci il

   Artur Putinçev istintaq təcridxanasına göndərildi.

5. 19 yanvar 2021-ci il

   Səlahiyyətli şəxslər Vladimir Piskaryovun səhhətində bir neçə dəfə qəfildən ciddi problem yarandığını bilsə də, ona dərmanlar verilməsinə və tibbi yardım göstərilməsinə icazə vermədi.

6. 21 yanvar 2021-ci il

   Vladimir Piskaryova həyat yoldaşının gətirdiyi dərmanları götürməyə icazə verildi, amma tibbi müdaxiləyə icazə verilmədi.

7. 24 iyun 2021-ci il

   Vladimir Piskaryov xəstəxanada müayinədən keçdi, məlum oldu ki, insult keçirib. Səhhətindəki ciddi problemə baxmayaraq, o, istintaq təcridxanasına geri göndərildi.

8. 29 oktyabr 2021-ci il

   Qardaşların üçü də ekstremist təşkilatın fəaliyyətini təşkil etməkdə ittiham olundu.

9. 31 yanvar 2022-ci il

   Cinayət işi üzrə məhkəmə araşdırması başladı.

Bu ailələr müvəqqəti olaraq bir-birindən ayrı düşüb. Bununla belə, heç nəyin onları Yehovanın məhəbbətindən və müdafiəsindən ayırmadığını bilmək bizə təsəlli verir (Romalılara 8:38, 39).