2022-ci il, dekabrın 15-dən 31-nə kimi Seneqalda hər il keçirilən Dakar Beynəlxalq Sərgisində Yehovanın Şahidləri ilk dəfə iştirak etdilər. Bu, sərginin 30-cu ildönümü idi. Sərgi əl işləri, sosial xidmətlər və milli dəyərlərə həsr olunmuşdu. Tədbirə bütün dünyadan və Afrikanın müxtəlif ölkələrindən yüz minlərlə insan qatılmışdı.

Bacı-qardaşlar jw.org saytından ailə həyatı ilə bağlı mövzuları işıqlandıran məlumat lövhəsi quraşdırmışdı. Onlar «Yehovanın dostu ol», «Qələm animasiyası» və həmçinin gənclərin müsahibələrindən ibarət «Həmyaşıdların nə deyir?» rubrikalarından videolar nümayiş etdiriblər.

Köşkə yaxınlaşan ziyarətçilərdən bəzilərinin saytımız barədə məlumatı yox idi və onlar yerindəcə telefonları vasitəsilə daxil olublar. jw.org saytının yerli volof dili də daxil olmaqla, 1000-dən çox dildə fəaliyyət göstərməsi çoxlarında maraq doğurub. Ziyarətçilərin istəyini nəzərə alaraq 3000-dən çox nəşr paylanılıb.

Ziyarətçilərdən biri öz hisslərini bölüşüb: «Bizim üçün sərginin ən maraqlı hissəsi sizin köşkünüz oldu». Digər bir ziyarətçi isə belə deyib: «Ən yaxşı köşk mükafatlandırılsaydı, siz birinci olardınız!»

Köşkün qurulmasına kömək edən Martin Laud qardaş deyib: «Dünyanın müxtəlif yerlərindən olan bu qədər ziyarətçini qarşılamaq çox xoş idi. Onların çoxu Müqəddəs Kitaba əsaslanan faydalı məlumatları insanlara ödənişsiz şəkildə təqdim etdiyimizə görə öz səmimi minnətdarlığını bildirdi».

Tədbirdə iştirakımızın gözəl nəticələri bizi çox sevindirir. Bu, Yehovanın xalqının Onun Kəlamındakı hikməti başqaları ilə bölüşməsi üçün daha bir üsuldur (Məsəllər 3:21, 22).