2019-cu ilin yağış mövsümü zamanı şiddətli və uzun müddət yağan yağışlar nəticəsində Toqonun Lome şəhərinin ətraf ərazilərində güclü daşqın baş verib. Fəlakət həmin zonadakı yeddi yığıncağın iki yüz əlli yeddi təbliğçisinə təsir edib. Onlara yardım göstərilir.

Fəlakət zonasındakı dindaşlarımızın yaşadıqları bəzi evləri təxminən bir metr hündürlüyünədək su basıb. Onlardan 51 nəfəri təxliyə etmək lazım gəlib. Yaxınlıqda yaşayan təbliğçilər öz evlərinin qapısını onlara açıblar.

Daşqın suları ərazidəki su ehtiyatlarının çirklənməsinə səbəb olub. Toqoda təbliğ fəaliyyətimizə nəzarət edən Beninin filial komitəsi rayon nəzarətçiləri və yerli ağsaqqallar vasitəsilə, su təmizləmə və dezinfeksiya dərmanları və xlorlu məhlul da daxil olmaqla, lazımi vasitələrin paylanmasını təşkil edib.

Yehovaya dua edirik ki, Toqoda fədakarlıq və məhəbbət göstərən bacı-qardaşlarımıza xeyir-dua versin (Yəhya 13:34, 35).