Podratçı yük maşının kranından istifadə edərək ön hissəsi şüşədən ibarət kabini endirir. Yüksək göyərtənin hissəsi olan bu kabin ərazinin çəpərlənmiş təhlükəsiz sahəsinə yerləşdirilir. Ziyarət mərkəzi və yüksək göyərtə 2017-ci ilin may ayında açılıb və avqust ayına qədər 17000-dən çox ziyarətçi bu layihəni görmək üçün qeydiyyatdan keçib.

Podratçılar qüllə kranından istifadə edərək öncədən yığılmış beton lövhə tərtibatını ilk tikilən F yaşayış kompleksinin içinə daşıyırlar. Binanın ətrafında kifayət qədər geniş ərazi olduğundan tərtibatların sökülməsinə ehtiyac olmadan sonrakı qatın tikintisi üçün sürətlə yerləşdirilir.

Beş yaşayış binasında eyni vaxta inşaat gedir. Arxa fonda podratçılar B yaşayış kompleksi üçün beton zəmin tökməzdən əvvəl armatur bərkidir. Arxa fonda sağda podratçılar D yaşayış kompleksinin döşəmə plitəsi üçün beton tökürlər. Arxa fonda solda qüllə kran E yaşayış kompleksinin pilləkən və lifti üçün beton panel yerləşdirir.

Texniki qrupun bir üzvü plastik yanğınsöndürmə borusunun iki hissəsinin birləşdiyi yeri hamarlayır. Borunun iki hissəsi isti füzyondan istifadə edilərək birləşdirilir. Füzyon plastikləri əridir və birlikdə qaynaq edir. Nəticədə yaranan çıxıntılar aradan qaldırılır, davamlılıq və keyfiyyət yoxlanılıb birləşdirilir. Ümumilikdə, plastik yanğınsöndürmə borusunun təxminən dörd kilometri artıq döşənilib.

Könüllü yeni su keçirməyən kanalı təmizləyir. Bu kanalların sayəsində yollar su yolları ilə kəsişmir və yağış suları selin qarşısını alan gölməçələrə tökülür.

Memarlıq qrupunda işləyən bir ər-arvad alt mərtəbədəki dəhlizin divarlarının yerini işarələyir.

Tikintisi davam edən beş yaşayış binasının şərq tərəfdən görünüşü. Sentyabr ayına qədər beton bünövrələr tamamlanıb, F yaşayış kompleksinin (arxada sağda) daxili divarlarının işləri, binanın suvaq və boyama işləri başlayıb. Bununla bərabər, könüllülər E yaşayış kompleksinin (arxada solda) xarici divarlarını və pəncərələrini də quraşdırmağa başlayıblar. B, C və D yaşayış kompleksləri (ön fonda) memarlıq, elektrik, texnika və taxtabənd qruplarının işə başlaması üçün hazırlanıb.

Rəhbərlik Şurasının Nəşriyyat komitəsinin köməkçisi və Ümumdünya layihə-inşaat şöbəsinin (ÜLİ) nəzarətçisi Robert Luçioni tikinti qruplarını ruhlandırmaq üçün Müqəddəs Kitaba əsaslanan çıxış etdi. ÜLİ şöbəsi yeni filialın tikintisinin və dizaynının itkisiz və qənaətlə başa gəlməsinə görə məsuliyyət daşıyır.

Könüllülər qaz, məlumat və elektrik xidmətlərinin yer alacağı binalar üçün beton zəmin hazırlayır. Sağda könüllülər akustik baryerin təməlini quraşdırmaq üçün mobil beton nasosdan istifadə edir. Bu baryer avadanlıqların çıxardığı səsləri azaldır.

Bir memarlıq qrupu polad damarlı çərçivələrin birləşdiriləcəyi nöqtələri döşəmədə işarələməzdən öncə çertyojları gözdən keçirir.

Bir könüllü xarici divarların polad çərçivələrini yerinə birləşdirir.

Taxtabənd E yaşayış kompleksinin ətrafında quraşdırılır. Bunun sayəsində könüllülər xarici divarlar üzərində asanlıqla işləyə bilirlər.

Bir rəngsaz yeni quraşdırılan pəncərələrə xüsusi qoruyucu təbəqə çəkir. Təbəqə quruyanda plastik təbəqəyə çevrilir və pəncərəni qorumağa ehtiyac olmayanda təbəqə soyulur.

Texniki qrup bir yaşayış otağında döşəməaltı istilik sisteminin təzyiqini yoxlayır. Lazımi düzəlişlər ediləndən sonra istilik borularını örtmək üçün son beton təbəqəsi tökülə bilər.

Bir bağban filial əmlakının əsas girişinin çölündə güllərin yetişdiyi çəmənliyin bir hissəsini ayırır. Çəmənlik alaq otlarının bitməsinin qarşısını alır. Beləcə, işlək bir magistral yolun yanındakı yaşıl ərazinin qayğısına qalmaq üçün daha az zaman və zəhmət tələb olunacaq.

Bir topoqraf GPS məsafə ölçən cihazdan istifadə edərək ofis binalarının girişi olacaq nöqtəni işarələyir. Bu nöqtəni müəyyən edə bilmək üçün yerə nişan bərkidir və sonra bu nişanın aydın görünməsi üçün onu rəngləyir. Kompleksin bu hissəsində həm yeməkxana, həm də toplantı zalı kimi istifadə ediləcək bir sahə və mətbəx yer alacaq. Yaşayış binalarını arxa fonda görmək olar.

Bir ər-arvad fırtına suyu drenaj sisteminin bir hissəsi olan su axınını idarə edən otaq üçün beton tərtibat hazırlayır. Arxa fonda plastik örtüklə örtülən E və F yaşayış komplekslərini görmək olar. Bu örtük qış ayları da daxil olmaqla hər cür hava şəraitində işləmək üçün əlverişli mühit yaradır.

Təlim alan bir könüllü vakuum qaldırıcını idarə etməyi öyrənir. Bu qaldırıcı təxminən 70 kiloqram ağırlığında olan bordyur daşlarını daşımaq və yerləşdirmək üçün istifadə edilir. Bordyur daşları əvvəlcə düzgün şəkildə yerləşdirilir, sonra onları tam bərkitmək üçün hər iki tərəfinə beton tökülür.

Su borusu qoyulacağı yerə çəkilərkən texniki qrupun bir üzvü borunu düzgün şəkildə tutmağa çalışır. Yeni filialda istifadə ediləcək su boruları təxminən beş kilometrdir.

Xarici görünüş qrupunun bir üzvü kərpicləri kəsmək üçün taxta kəsici dəzgah istifadə edir. Yarım kərpiclər yaşayış binalarının kənarlarında Flamand barokkos adlanan gözəl bir naxış yaratmaq üçün istifadə edilir. Ümumilikdə, yaşayış binaları 300000-dən çox kərpiclə örtüləcək.