İşçilər tikinti maşınlarının saxlanılacağı qarajın qarşısına beton tökür.

Podratçılar inşaat müddətində müvəqqəti ev və yeməkxana olacaq binanın dam örtüklərini quraşdırır.

Bir işçi ağac kəsici qurğulu ekskavatorla əsas giriş olacaq ərazini ağaclardan təmizləyir. Ağac kəsici ağacı tutaraq onu gövdəsindən kəsir, sonra isə ekskavator ağacları oradan yığır. Layihə tamamlanana qədər kəsilən ağacların əvəzinə minlərlə yeni ağac əkiləcək.

İşçilər ərazini torpaqda qalan lazımsız materiallardan təmizləyir. Bundan sonra torpağı bir də təmizləyib yenidən istifadə etmək mümkün olacaq.

İşçilər qaldırıcı kran vasitəsilə müvəqqəti kabinələri lazımi yerə qaldırmağa hazırlaşır. Podratçılar və daimi tikinti qrupu bu kabinələrdən tikinti ərazisində ofis və xidmət obyektləri kimi istifadə edəcəklər.

İşçilər təkrar emal etmək üçün xammal kimi istifadəyə yararlı tullantıları xüsusi qutulara çeşidləyir. İnşaat layihə komitəsi zərərsiz tullantıların 95 faizini yenidən istifadə etməyi planlaşdırmışdı, hal-hazırda bu plan artıqlaması ilə yerinə yetirilib. Bundan əlavə, kərpic, beton, taxta-şalban kimi tikinti tullantılarının 89 faizi inşaatda istifadə edilib.

Tikinti briqadasının işçisi müvəqqəti yaşayış binalarının boru kəməri, kabel xətlərinin keçdiyi xəndəyi doldurur.

Podratçı torpaqdan nümunə götürərək onun tikinti ərazisində yolların salınması üçün istifadəyə yararlı olub-olmadığını yoxlayır.

31 may 2016-cı il tarixində Yehovanın Şahidlərinin Rəhbərlik Şurası filialın bu proyektini təsdiqlədi. Layihənin tikintisinə yerli orqanlardan da icazə alındığından tikinti işlərinə başlanıldı.

İşçilər ərazidən götürülən torpağı lazımsız materiallardan təmizləyir ki, daha sonra onu yenidən istifadə edə bilsinlər. Görülən bu iş çirkli torpağın ərazidən daşınmasına və yeni torpağın alınmasına sərf olunan xərcləri aradan qaldırır.

İşçilər əsas giriş yolu salınacaq ərazini təmizləyir. Bir ay ərzində yağan şiddətli yağışların ərazini bataqlığa çevirməsinə baxmayaraq, iş davam etdirildi.

Tozu yatırtmaq üçün yollara su səpilir. İnşaat layihə komitəsi qeydiyyatda olduğu «Considerate Constructors Scheme» adlı şirkətin əsas tələblərindən biri olan tikinti sahəsinin təmiz saxlanılması ilə bağlı göstərişlərə riayət edir. Şirkətin bu tələbi Müqəddəs Kitabın insanlara hörmət etmək və ətrafdakılara qarşı diqqətcil olmaq prinsipləri ilə üst-üstə düşür.

Qaynaqçı havalandırma borularını saxlayacaq asqılar üçün yivli millər kəsir.

İşçilər 20000 kub metr qarışıq torpağı tikinti daşlarından ayırır. Şəkildən göründüyü kimi, torpaq bunkerə tökülür. Böyük və orta ölçülü qırıntıları təmizləmək üçün müxtəlif ölçülü ələklərdən istifadə olunur və beləcə, daha narın torpaq əldə olunur. Üç tərəfə istiqamətlənən konveyerlər ayrılmış materialları yük maşınlarına yükləyir.

Podratçılar tikinti ərazisindəki torpaq səviyyəsini layihə tələblərinə uyğunlaşdırmaq üçün böyük miqdarda torpaq daşıyır.

Şəklin mərkəzdən sola doğru hissəsində görmək olar ki, torpaq səviyyəsini bərabərləşdirmək işi tamamlanmaq üzrədir və artıq bu ərazidə binaların təməlini qoymaq olar. Şəklin lap solunda isə 118 tikinti işçisinin məskunlaşması üçün tikilmiş müvəqqəti yaşayış binaları görünür.