Bataqlığın üstündə salınacaq körpünün arkası körpünün təməlinə gətirilir. Arka yük maşınından düşürdüləndə zədə almasın deyə əvvəlcə yumşaq təkərlərin üzərinə qoyulur. Bu körpü bataqlığı ekoloji cəhətdən qoruyacaq.

Yaşıl dam dovşankələmi fəsiləsinə aid olan ətli yarpaqlı bitkilərlə örtülüb. Bu bitki qışda inkişafını dayandırmazdan əvvəl rəngini dəyişir. Dama on altı növ dovşankələmi bitkisi əkilib. Yaşıl dam yağış suyuna nəzarət etməyə, elektrik xərclərini azaltmağa kömək edir. Bu bitkilərin sağlam qalması üçün alaq otlarından təmizləmək lazımdır.

Xarrat yaşayış otağının mətbəx mebelini quraşdırır. Xarrat şöbəsi 2016-cı ilin fevralına qədər mətbəx mebellərinin 60 faizindən çoxunu hazır edib.

Elektriklər «Gözətçi qülləsi» loqosuna LED lampalar quraşdırırlar.

Ofislər və xidmət binasının üstündəki qüllə və binanın lobbisi gecələr işıqlandırılacaq. Bu qüllə təkcə Uorvikdən yox, ətraf ərazilərdən də görünəcək.

Tikinti işçiləri fövqəladə vəziyyətlər üçün yol çəkirlər. Onlar əvvəlcə torpağı hamarlayıb, betonlayırlar. Tikinti zamanı sürüşmənin qarşısını almaq üçün təpəyə müvəqqəti kətan parça sərilib.

Liftin damına şəffaf dam örtüyü quraşdırılır. Onbirguşəli bu dam sayəsində gecələr binaya təbii işıq düşəcək.

Qaynaqçı soyuq su sistemi üçün oksi-asetilen qaynaq maşını ilə karbon tərkibli polad borunu kəsir.

Xarrat pəncərə altlığı düzəldir. O, karkaz və alçıpanı vurandan sonra pəncərə altlığını quraşdıracaq.

Yağışlı havada yerə daş döşənir. Sağ tərəfdə iki işçi torpağı hamarlayır. Ön planda ekskavator hidrotexniki qurğu sıxacı ilə yerə daş döşəyir. Sol tərəfdə isə torpaqda eroziyanın qarşısını almaq üçün yerə polietilen örtük sərilib.

İşçilər elektrik yarımstansiyasının yüksəkgərginlikli elektrik məftillərini dartırlar. Bu yarımstansiya Uorvik kompleksini elektriklə təmin edir.

Qonaqlar üçün avtomobil dayanacağı ilə ofislər və xidmət binası arasında olan keçidin karkazı tamamlanır. Bu keçid qonaqları yağış və qardan qoruyacaq.

Texnik qazanxananın idarəetmə panelini tənzimləyir. Uorvikdəki dörd panelin hamısı artıq quraşdırılıb.

Mexaniklər camaşırxanaya qurutma maşınları quraşdırırlar. Bu qurutma maşınları 6—45 kiloqramlıqdır. Camaşırxananın sol tərəfində isə paltaryuyan maşınlar quraşdırılacaq.

Rəhbərlik Şurasının üzvü Qerit Löş Beyteldə «Gözətçi qülləsi» jurnalının təlim nəşrini müzakirə edir. Proqram Uorvikdəki işçilərin yaşadıqları evlərdə də yayımlanır.

İnteryer şöbəsi yaşayış binalarından birinin xalçalarını maşından boşaldır. Uorvikdəki kompleksdə 65000 m² xalça istifadə ediləcək.

Sentyabr 2015 — fevral 2016-cı il tarixlərində C və D yaşayış binalarının daşınmaz əmlak sertifikatı alınıb. Bütün binalara lift quraşdırılıb. Sakinlər üçün olan avtomobil dayanacağının döşəməsi vurulub və tikintisi tamamlanıb. Qış mülayim keçdiyindən abadlıq işləri planlaşdırılan vaxtdan əvvəl başlanılıb.

Usta tavan çərçivələrini quraşdırır. Divar və tavan şöbəsi alçıpan və çərçivə vurur, divarı suvaq vurur və izolyasiya edir. Onlar həmçinin divar keçidlərinə yanğın siqnalizasiyası quraşdırır.