Изге Яҙмала әйтелгәнсә, ерҙәге барлыҡ тере заттарҙан тик билдәле бер һандағы кешеләр генә күккә китәсәк (Асылыш 14:1, 3). Күктә улар Ғайса Мәсих менән бергә батша һәм рухани булып хеҙмәт итәсәк (Лука 22:28—30; Асылыш 5:9, 10). Башҡа кешеләр иһә ерҙәге ожмахта йәшәр өсөн терелтеләсәк (Зәбур 37:11, 29).

 Изге Яҙмала хайуандар, мәҫәлән, эттәр, үлгәс, күккә китә тип әйтелмәй. Быға һис тә аптырарға түгел, сөнки хайуандар «күктәр тарафынан саҡырылған[дар]» иҫәбенә инә алмай (Еврейҙарға 3:1). Бының өсөн бит кәм тигәндә белем алырға һәм, Аллаға иман итеп, уның әмерҙәрен үтәргә кәрәк (Матфей 19:17; Яхъя 3:16; 17:3). Тик кешеләр генә мәңге йәшәр өсөн яратылған (Башланмыш 2:16, 17; 3:22, 23).

 Күккә китер өсөн, ерҙә йәшәүселәр терелергә тейеш (1 Коринфтарға 15:42). Изге Яҙмала терелеүҙең бер нисә осрағы һүрәтләнә (1 Батшалар 17:17—24; 2Батшалар 4:32—37; 13:20, 21; Лука 7:11—15; 8:41, 42, 49—56; Яхъя 11:38—44; Ғәмәлдәр 9:36—42; 20:7—12). Әммә был осраҡтарҙың барыһында ла кешеләр терелтелгән, ә хайуандар түгел.

•  Хайуандарҙың йәне бармы?

•  Йән үлергә мөмкинме?

•  Хайуандар гонаһ ҡыламы?

•  Хайуандар менән рәхимһеҙ мөғәмәлә итеүҙе аҡлап буламы?

 Юҡ. Изге Яҙмала, хайуандар һәм кешеләр үҙҙәре — йән, тип әйтелә (Һандар 31:28). Унда, тәүге кеше Әҙәм барлыҡҡа килтерелгәс, уға йән бирелде, тиелмәгән, ә ул үҙе «тере йән булып китте», тип яҙылған (Башланмыш 2:7, ЯДТ). Йән ике элементтан — «ер тупрағынан» һәм «йәшәү һулышынан» тора.

 Эйе. Изге Яҙмала әйтелгәнсә, йәндәр үлә (Левиттар 21:11; Йәзәкил 18:20). Үлгәс, кешеләр ҙә, хайуандар ҙа киренән тупраҡҡа әйләнә (Вәғәзсе 3:19, 20). Икенсе һүҙ менән әйткәндә, улар йәшәүҙән туҡтай a.

 Юҡ. Гонаһ ҡылыу уйҙарыңда, хистәреңдә йә эштәреңдә Алла нормаларын боҙоуҙы аңлата. Гонаһ — ул әхлаҡ менән бәйле ҡарар, хайуандарға иһә ҡарарҙар ҡабул итеү һәләте бирелмәгән. Уларҙы башлыса инстинкт йөрөтә (2 Петр 2:12). Сағыштырмаса ҡыҫҡа ваҡыт йәшәгәндән һуң, гонаһ ҡылмаһа ла, улар үлә.

 Юҡ. Алла кешеләргә хайуандар өҫтөнән хакимлыҡ биргән, әммә улар менән рәхимһеҙ мөғәмәлә итеү хоҡуғы бирмәгән (Башланмыш 1:28; Зәбур 8:6—8). Алла бар хайуандарҙың да, хатта кескенә ҡоштарҙың да именлеге хаҡында борсола (Юныс 4:11; Матфей 10:29). Ул үҙ хеҙмәтселәренә хайуандар хаҡында ҡайғыртырға ҡушҡан (Сығыш 23:12; Ҡанун 25:4; Ғибрәтле һүҙҙәр 12:10).