Яңы Зеландияла йәшәгән бер ҡыҙ ҡәрҙәшебеҙ «Бер-берегеҙ тураһында ҡайғыртығыҙ» тигән видеояҙманы ҡараған. Унда Йәһүәнең кешеләрҙе ҡыҙғанғаны ғына түгел, ә ярҙамға килергә әҙер булыуы күрһәтелә (Ишағ. 63:7—9). Ҡәрҙәш белгәндәрен ҡулланып ҡарарға һәм берәйһенә ярҙам итергә булған. Шул уҡ көндө ул магазинға китеп барғанда йәшәргә урыны булмаған бер ярлы ҡатынды осратҡан һәм уға ашарға берәй нәмә һатып алырға тәҡдим иткән. Теге ҡатын ризалашҡан. Ҡәрҙәшебеҙ ризыҡ алып килгәс, уға тормоштоң тиҙҙән яҡшырыуы тураһында һөйләгән һәм «Ғазаптар ҡасан да булһа бөтөрмө?» тигән буклет күрһәткән.

Теге ҡатын илап ебәргән. Ул Йәһүә шаһиттарының ғаиләһендә үҫкәне һәм күп йылдар элек йыйылыштан киткәне тураһында әйткән. Шулай уҡ ул күптән түгел генә кире ҡайтырға ярҙам һорап Йәһүәгә доға ҡылғаны тураһында һөйләгән. Имандашыбыҙ уға Изге Яҙма биргән һәм уның менән өйрәнеү башларға һөйләшкән a.

Йәһүә кеүек беҙ ҙә башҡаларға, шул иҫәптән туғандарыбыҙға һәм имандаштарыбыҙға шәфҡәтлек сағылдыра алабыҙ. Шәфҡәтлек сифаты беҙҙе шулай уҡ кешеләргә киләсәктәге фатихалар тураһында һөйләргә дәртләндерер.