Кешенең гонаһы Ғайсаның йолом ҡорбаны ярҙамында ғына кисерелә һәм «Уның ҡаны аша ғына йолоп» алына (Ефес. 1:7). Әммә Изге Яҙмала, Ғайса үҙ ғүмерен йолом итеп биргәнгә тиклем үк, «Алла сабырлыҡ күрһәтеп үткәндәге гонаһтарҙы кисергән», тип әйтелә (Рим. 3:25, ЯДТ). Йәһүә быны ғәҙеллек нормаларын боҙмайынса эшләгән. Ни өсөн шулай тип әйтә алабыҙ?

Алла тоҡом тураһында пәйғәмбәрлек иткәндә, уның ҡарашында йолом инде түләнгән кеүек булған (Баш. 3:15; 22:18). Йәһүә билдәләнгән ваҡытта уның Улы үҙ ғүмерен теләп ҡорбан итәсәгенә бер ҙә шикләнмәгән (Гал. 4:4; Евр. 10:7—10). Ерҙә йәшәгәндә Ғайсаның гонаһтарҙы кисерергә вәкәләте булған. Ул иман сағылдырған кешеләрҙең гонаһтарын кисерә алған, сөнки уның йолом ҡорбаны уларҙың гонаһтарын тулыһынса ҡаплай аласағын яҡшы белгән (Матф. 9:2—6).