Сентябрь айында беҙ, «Һин мәңге йәшәй алаһың!» тигән брошюраны ҡулланып, вәғәздә осраған бөтә кешегә лә әүҙем рәүештә Изге Яҙма өйрәнеүе тәҡдим итербеҙ. Был айҙа, 30 сәғәт нормаһын алып, ярҙамсы пионер булып хеҙмәт итергә була. Был махсус кампания нисек үтәсәк?

• Беренсе тапҡыр һөйләшкәндә. Кешенең Изге Яҙмаға ҡарата ҡыҙыҡһыныуын уятыр өсөн, брошюраның һуңғы битен ҡуллан. Шулай уҡ уға өйрәнеүҙең нисек үткәнен күрһәтергә тырыш. Элек ҡыҙыҡһыныу күрһәткән һәм һинең менән тағы һөйләшергә ризалашҡан кешеләр тураһында ла онотма. Бәлки, элек шул кешеләр өйрәнергә риза булмағандыр. Әммә хәҙер уларға беҙҙең яңы өйрәнеү ысулы һәм яңы брошюрабыҙ оҡшауы ихтимал. Брошюраны өйҙә булмаған кешеләргә ҡалдырырға һәм ҡыҙыҡһыныу күрһәтмәгәндәргә хат аша ебәрергә кәрәкмәй. Йыйылыштың хеҙмәт комитеты был айҙа өҫтәмә вәғәз осрашыуҙары ойошторорға мөмкин.

• Башҡа мөмкинлектәр. Йыйылышығыҙҙа күсмә стендтар ҡулланылһа, унда «Һин мәңге йәшәй алаһың!» тигән брошюраны ҡуй. Брошюра менән ҡыҙыҡһынған кешегә, Изге Яҙманы өйрәнеү буйынса түләүһеҙ курс та үтеп була, тип әйтергә мөмкин. Уға шунда уҡ ҡыҫҡаса ғына өйрәнеүҙең нисек үткәнен күрһәт йәки һуңғараҡ күрһәтергә һөйләш. Хеҙмәт күҙәтеүсеһе Изге Яҙма өйрәнеүе тәҡдим итеү өсөн тәжрибәле вәғәзселәрҙе кешеләрҙең эш урындарына ебәрергә мөмкин. Шулай уҡ үҙең менән бергә эшләгән кешеләргә һәм башҡа ерҙә осратҡан кешеләргә Изге Яҙма өйрәнеүе тәҡдим итә алаһың.

Ғайса беҙгә шәкерттәр әҙерләргә һәм уларҙы өйрәтергә ҡушҡан (Мт 28:19, 20). Ошо кампания беҙгә был йөкләмәне үтәргә ярҙам итеүен теләйбеҙ! Һәм был йәһәттән беҙгә «Һин мәңге йәшәй алаһың!» тигән брошюра булышлыҡ итер.