Һин сайтыбыҙҙан телефоныңа, планшетыңа йә компьютерыңа Изге Яҙманы һәм башҡа баҫмаларҙы, шулай уҡ видеояҙмалар һәм аудиояҙмаларҙы күсереп ала алаһың.

БАҪМАЛАР ЯЙЛАНМАҢДА БУЛҺЫН ӨСӨН НИМӘ ЭШЛӘРГӘ? Интернетҡа сыҡ һәм браузерҙың адрес юлына сайттың исемен яҙ. Яйланмаңа күсереп алырға теләгән материалды һайла. Өйөңдә Интернетҡа сығыу мөмкинлеге булмаһа, быны Батшалыҡ залында, дуҫтарыңда, китапханала йә яҡындағы кафела эшләп була. Яйланмаңа баҫмаларҙы күсереп алғас, һин уларҙы Интернетҡа сыҡмайынса ла аса алырһың. Әммә сайтыбыҙҙағы материал гел яңыртылып торғанға, ваҡыт-ваҡыт Интернетҡа сығып, яңы баҫмаларҙы күсереп алырға кәрәк булыр.

НИ ӨСӨН БЫЛ УҢАЙЛЫ? Сайтыбыҙ ярҙамында шәхси өйрәнеү үткәреү бик уңайлы. Мобиль яйланмабыҙ йыйылыш осрашыуҙары ваҡытында кәрәкле баҫмаларҙы ҡул осонда тоторға мөмкинлек бирә. Бынан тыш, уны хеҙмәттә лә уңышлы ҡулланып була. Ҡайһы берәүҙәр уны осраҡлы вәғәздә ҡулланырға ярата, сөнки ул артыҡ иғтибар йәлеп итмәйенсә кеше менән һөйләшергә ярҙам итә.