Әйүп, милкен, балаларын һәм һаулығын юғалтһа ла, Аллаға тоғро булып ҡалған. Шуға күрә Әйүп сафлығын юғалтһын өсөн, Шайтан уны күңел төшөнкөлөгөнә килтерергә тырышҡан. Әйүпкә өс «дуҫы» килгән. Башта улар, уны йәлләгәндәй ҡыланып, тамаша ҡороп ебәргән. Шунан һуң улар Әйүп янында ете көн буйы өндәшмәй, бер йыуатыу һүҙе лә әйтмәй ултырған. Аҙаҡ был өс «дуҫ» Әйүпкә ғәйепләүҙәр һәм мыҫҡыллы һүҙҙәр яуҙыра башлаған.