НИ ӨСӨН БЫЛ МӨҺИМ? Күп һуҡырҙар таныш булмаған кешеләрҙән ҡурҡыңҡырай. Шуға күрә уларға вәғәзләр өсөн айырым оҫталыҡ талап ителә. Йәһүәнең ҡанундары һуҡыр кешеләргә ҡарата яратыу сағылдыра (Лв 19:14). Йәһүәнән үрнәк алып беҙ ҙә ҙур теләк менән шундай кешеләр хаҡында ҡайғыртып, уларға рухи яҡтан ярҙам итә алабыҙ.

ҠАЙҺЫ БЕР КӘҢӘШТӘР:

• Һуҡырҙарҙы эҙләп «табығыҙ» (Мт 10:11). Таныштарыңдың туғандары араһында һуҡыр кешеләр бармы? Йыйылыш территорияһында һуҡырҙар өсөн мәктәп, ололар йорто йә башҡа берәй йәмәғәт йорто бармы?

• Шәхси ҡыҙыҡһыныу күрһәт. Үҙеңде дуҫтарса тотһаң һәм эскерһеҙ ҡыҙыҡһынһаң, һуҡыр кешегә һөйләшеү еңелерәк булыр. Үҙегеҙ йәшәгән ерҙә ҡыҙыҡлы булған инеш һүҙҙәр һайла.

• Рухи ярҙам күрһәт. Һуҡырҙар һәм насар күргән кешеләр өсөн ойошмабыҙ төрлө форматта әҙәбиәт сығара. Хеҙмәт күҙәтеүсеһе заказ биреү бланкында шул кеше өсөн кәрәкле формат билдәләнгәнме, юҡмы икәнен тикшерергә тейеш.