2-СЕ ДӘРЕС
Һөйләм телен ҡуллан
2 Коринфтарға 2:17
МАҠСАТ Тыңлаусыларыңа һәм темаға ҡарата мөнәсәбәтеңде күрһәтер өсөн, тәбиғи һәм эскерһеҙ һөйлә.
БЫҒА НИСЕК ӨЛГӘШЕРГӘ
-
Доға ҡыл һәм ентекләп әҙерлән. Үҙең турала түгел, ә әйтәсәк һүҙҙәрең тураһында уйланыр өсөн, Йәһүәнән ярҙам һорап, доға ҡыл. Тыңлаусыларыңа ниндәй фекерҙәр еткерергә теләгәнеңде иҫтә тот. Уларҙы үҙ һүҙҙәрең менән әйт. Баҫтырылған тексты һүҙмә-һүҙ ҡабатлама.
-
Ысын күңелдән һөйлә. Шул хаҡта уйлан: ни өсөн кешеләргә һин әҙерләгән мәғлүмәтте ишетергә кәрәк. Шул саҡта торошоң, ишаралар һәм сырайың тәбиғи булыр, йылылыҡ һәм дуҫлыҡ хистәрен сағылдырыр.
-
Күҙгә ҡарап һөйлә. Тыңлаусыларыңа ҡарап һөйлә. Телмәр һөйләгәндә, бөтәһенә лә ҡарарға тырышыу урынына, айырым кешеләргә ҡарап һөйлә.