BAGIAN 4
Ipun ningehang Setan—Apa Akibatné?
Adam lan Hawa tusing taat tekén Tuhan, akibatné ipun mati. Purwakaning Dadi 3:6, 23
Hawa ningehang munyin I lelipi lan ia naar buah uli punyan buahé ané ada di tengah tamané. Suba kéto, ia masih ngemaang buahé ento tekén Adam, lan Adam milu naar buahé ento.
Ipun ngaé keputusan ané pelih—ento dosa. Tuhan nundung ipun uli taman Pirdaus umah ipuné.
Kaidupan ipun lan panak-panakné kéweh sajaan. Ipun ngancan tua lan mati. Disubané mati ipun suba tusing enu, tusingja ka alam roh.
Anak mati patuh buka ebuk tusing ngelah angkihan. Purwakaning Dadi 3:19
Iraga mati krana iraga ajak makejang keturunan Adam lan Hawa. Anaké ané suba mati tusing inget apa, tusing ngidaang ningeh atau ningalin.—Guru Pangajian 9:5, 10.
Tusingja tetujon Yehuwa apang manusané mati. Tusing buin makelo, Ida lakar ngidupang buin anaké ané suba mati. Yéning ipun nyak ningehang Yehuwa, ipun lakar idup saterusné.
