Kenape Iraga Bise Sengsare, Dadi Tue, lan Mati?
Sang Pencipta nganggep iraga panak-Né. Ento artiné Tuhan tusing seneng yén iraga sengsare. Jani, liu sajaan ade kesengsaraan di sekitar iraga. Adi bise kéto?
Manuse Pertame ané Ngeranaang Iraga Sengsare
”Dosa ade di guminé ulian manuse abesik, lan kematian nyebar ulian dosané ento. Dadiné mekejang manusané medosa.”—ROMA 5:12.
Tuhan nyiptaang manuse pertame—Adam lan Hawa, ngelah tubuh lan pikiran ané sempurne. Tuhan masi ngemaang ipun tongos ané melah ané madan Pirdaus atau Taman Eden. Tuhan ngemaang peréntah yén buah-buahan ané ade ditu mekejang dadi daar. Kéwale ade punyan buah abesik ané buahné tusing dadi daar. Sayangné Adam lan Hawa milih naar buah ané sube kelarang. Ento dosa. (Purwakaning Dadi 2:15-17; 3:1-19) Disubané ipun tusing taat, Tuhan ngusir pasangané ené uli ditu, dadiné idupné kéweh. Lantas ia ngelah panak, lan kehidupan panakné masi kéweh. Akhirné ajake mekejang dadi tue lan mati. (Purwakaning Dadi 3:23; 5:5) Ento krane iraga bise gelem, dadi tue, lan mati krane iraga keturunan uli keluarge manuse pertame.
Roh Jaat Ngeranaang Iraga Makin Sengsare
”Guminé mekejang kekuasain baan roh jaat.”—1 YOHANES 5:19.
”Roh jaat” ento kesebut Setan. Ia malaékat ané tusing ngenah ané memberontak ngelawan Tuhan. (Yohanes 8:44; Wahyu 12:9) Sube kéto, makhluk roh ané lénan milu megabung ajak Setan. Makhluk-makhluk roh ento kesebut hantu-hantu. Roh-roh jaat nganggon kekuatané buat nipu manusané apang tusing taat tekén Sang Pencipta. Ia mengaruhin liu anaké apang berbuat jaat. (Kidung 106:35-38; 1 Timotius 4:1) Setan lan hantu-hantu demen ngaé idup iraga sakit lan sengsare.
Kesalahan Pedidi Bise Ngeranaang Iraga Sengasare
”Ape ané ketemule, ané kéto masi lakar keasilang.”—GALATIA 6:7.
Iraga ajak mekejang bise sengsare krane dosa warisan lan pengaruh Setan di guminé. Tapi bise masi manusané sengsare krane kesalahané pedidi. Kenape kéto? Dugas ia berbuat jaat atau ngaé keputusan ané pelih, sesainan jelek ané keasilang. Sebalikné, yén anaké berbuat ané luung, biasané luung hasilné. Contoné, nyénje ané dadi suami lan bapak ané jujur, seleg megaé, nyayangin keluargané, lakar ngasilang unduk ané luung lan bise ngeranaang keluargané bagia. Tapi ané demen mejudi, punyah, atau males-malesan, ia lan keluargané bise lacur. Dadiné iraga bise bijaksane yén nyak ningehang Sang Pencipta. Tujuan Ida apang idup iraga luung lan ngerasaang ”kedamaian ané limpah.”—Kidung 119:165.
Jani Iraga Idup di ”Jaman Akhir”
”Di jaman akhir . . . , anaké lakar mentingang dewekné pedidi, mentingang pipis, . . . sing ningehang munyin nak tue, . . . sing bise ngendaliang déwék, kasar, sing demen tekén ané beneh.”—2 TIMOTIUS 3:1-5.
Liunan tingkah anaké jani persis care ape ané sube keramalang. Tingkah ané kéto makin muktiang yén iraga sube idup di ”jaman akhir”. Cakepan Suci masi ngeramalang yén di jaman akhir liu lakar ade perang, kekurangan makanan, linuh gedé, lan penyakit. (Matius 24:3, 7, 8; Lukas 21:10, 11) Ento mekejang ané ngeranaang ade kesengsaraan lan kematian.
