Pengetahuan ané Ngeranaang Iraga Paek Ajak Tuhan
Sang Pencipta tusingje tuah kekuatan ané hébat. Ida ngelah sipat-sipat ané luung ané tusing ade bandingané. Tuhan seneng yén iraga nyak melajah lan makin paek ajak Ida. (Yohanes 17:3; Yakobus 4:8) Ento alasané Ida ngajahin iraga care ape sebenarné Tuhan ento.
Sang Pencipta Ngelah Adan
”Dumadak liu anaké nawang, yén Bapak ané madan Yehuwa, tuah Bapak ané Mahatinggi di guminé.”—KIDUNG 83:18.
Cakepan Suci ngajahang tuah Yehuwa Tuhan ané beneh. Ida Pencipta alam semesta lan mekejang kehidupan ané ade di guminé. Tuah Ida ané patut iraga sembah.—Wahyu 4:11.
Yehuwa Ento Maha Pengasih
”Tuhan ento kasih.”—1 YOHANES 4:8.
Uli Cakepan Suci lan ciptaan Ida, Yehuwa ngajahin iraga unduk Ida. Yehuwa liu ngelah sipat-sipat ané luung, sipat Ida ané utame ento kasih. Makin liu iraga melajah unduk Yehuwa, makin sayang iraga ajak Ida.
Yehuwa Ento Maha Pengampun
”Ida ento Tuhan ané nyak ngampunin.”—NEHEMIA 9:17.
Tuhan nawang yén iraga tusing sempurne. Ento krane Tuhan ”nyak ngampunin” iraga. Yén iraga ngidih pelih lan nyak suud nyalanang ané tusing beneh, Ida lakar ngampunin iraga lan tusing buin ngingetang dosan iraga ané sube liwat.—Kidung 103:12, 13.
Yehuwa Ningehang Doan Iraga
”Yehuwa paek ajak mekejang anaké ané ngidih tulung tekén Ida . . . Ida ningehang dugas ipun ngidih tulung.”—KIDUNG 145:18, 19.
Mémé bapa ané sayang tekén panak pasti nyak ningehang dugas panakné ngomong. Kéto masi Yehuwa nyak ningehang doan iraga. Ida tusing nuntut iraga nyalanang ritual atau nganggo benda keagamaan dugas iraga nyembah Ida.
