Yérémia 47:1-7
-
Mbañ i kogse inyu Lôk Filistia (1-7)
47 I bibañga bini gwon Yéhôva a bi kal mpôdôl Yérémia inyu bôt ba Filistia,+ ilole Faraô a nyémbél Gasa gwét.
2 Haana nyen Yéhôva a mpot:
“Nuna-ki! Malép ma yé i lôl i pes ñombok.
Ma ga yila lép u u nhoo, ma hôl ki.
Ma ga mil loñ ni gwom gwobisôna bi yé mu,tison ni bôt ba nyééne mu.
Bôlôm ba ga lond,yak hiki mut a nyééne mu loñ a ga ee.
3 I ngéda ba ga nok makôô ma bihosi gwé bi nke ngwéé,ba nok ki mbimba i bikak gwé bi gwét,ni mbimba i makôô ma bikak,basañ ba ga nun bé bon bap inyu hôla bo,inyule ba ga nimis makénd.*
4 Ndi kel i ga lo le bôt ba Filistia+ bobasôna ba ga tjiba;yak bôt ba Tir+ ni ba Sidôn+ ba ba bé nit bo, ba ga wo.
Inyule Yéhôva a ga tjé bôt ba Filistia,bon ba yé bôt ba nsôk ba ba bi lôl i ôn i Kaftôr.*+
5 Gasa a ga bana liseha.*
Yak Askélôn, ba nyip nye nyo.+
A bôt ba nsôsôgô* ba ba ngi yii,letee ni ngéda mbe n’a kek manyuu manan?+
6 A pansoñ i Yéhôva!+
Ngéda mbe w’a mom nwee?
Témb i sogoo yoñ.
Noi, u mom nwee.
7 Ndi lelaa i nla mom nweei ngéda Yéhôva nyen a nti yo oda?
I nlama tjé Askélôn ni bôt ba nyééne i mbaa tuye,+nyoo nyen a ñom yo.”
Ndoñi
^ Tole “inyule moo map ma ga tomb.”
^ Hala wee, Kréta.
^ Hala wee, ba ga homb miño inyu maéya ni wonyuu.
^ Tole “Tegep mbok i i yé nyoo isi nsôsôgô.”
