Yésaya 16:1-14
-
Nwin kogse u Môab u nke ni bisu (1-14)
16 Ômlana ñane loñ nlôm ntômba,oma wo le u nyodi i Séla, u lôô i ñoñletee u pam i hikôa hi ngond Siôn.
2 Bingond bi Môab bi ga yap lép Arnôn+kiki hinuni le ba nluhul i jumbul jé.+
3 “Ti maéba, yônôs makidik ma nyôña.
I ñem kosi, boñ le yiye yoñ i yila kiki u.
Sôô i bôt ba yé nsandak, u yelel bañ i bôt ba yé i ke ngwéé.
4 A Môab, nwas le minsandak nwem bi bôt mi yééne i weeni.
Yila lisolbene inyu yap inyule ba nke ntjé-bôt ngwéé.+
Ntééñga bôt a ga tjiba,tjiba i ga mal,yak i bôt ba ntét bape ba ga ba ha bé hana ’isi.
5 Ha nyen gwéha i ga boñ le yééne ane i tééba siñ siñ.
I ga ba ikété lap David, mut nu a yé maliga nyen a ga yén mu;+a ga kéés ni telepsép, a ga pala ki pémés mbagi sép.”+
6 Di bi nok ngan inyu ngôk u Môab, ngandak yé ngôk,+lipamal jé ni ngôk wé ni hiun hié;+ndi bipopoda gwé bi ga bana bé nseñ.
7 Inyu hala nyen ndutu i Môab i ga boñ nye le a bégél;bobasôna ba ga bégél.+
I bôt ba mbiba ndôm, ba ga ee bikoga bi matam ma nkôô wai bi Kir-Hareset.+
8 Nwom mi Hesbôn mi nyuyi,+yak wom u minkôô mi wai u Sibma,+baane ba biloñ ba ntidbe mintjep nwé mi mi nkôyôp tjôôm;*mintjep nwé mi mpam letee ni i Yazer,+mi nke letee ni i ñoñ.
Mayuu mé ma ñandal letee ni i tuye.
9 Inyu hala nyen m’a ee inyu wom u minkôô mi wai u Sibma kiki me ñee inyu Yazer.
A Hesbôn, we ni Éléalé+ m’a nyus bé gwiiha gwem,inyule diléla ni bak ni nleñ inyu matam manan ma ngéda sép ni inyu libumbul linan di mal.*
10 Maséé ni hiol bi mal i wom,tjémbi di maséé di ta ha bé i nwom mi minkôô mi wai, to diléla.+
Mut a ga tjo ha bé wai i waa wai,inyule me mélés diléla.+
11 Jon ñem u bi sehla me inyu Môab,+kiki minkôô mi hiluñ,ñ, kétékété yem ñem inyu Kir-Hareset.+
12 To ibale Môab a ntumbba i bahoma ba nyôgi, a kenek i soohe i témpel yé, hala a ga hôla bé to yom.+
13 Hala nyen Yéhôva a bi kit inyu Môab.
14 Ndi nano, Yéhôva a nkal le: “I ngi yii nwii maa, kiki mut bôlô a nsoñgol nwii,* lipém li Môab li ga mal, a ga kôhna mintén mi mandutu nwominsôna, ndik ndék bôt yon i ga yégle i nyeni, ditégéé di bôt yaga.”+
Ndoñi
^ Tole “mintjep mi mi gwé bikôyôp bi matam.”
^ I nla ki ba, “inyule ba nleñ nlondok gwét i ngii matam manan ma ngéda sép ni i ngii libumbul linan.”
^ Tole “kiki mut bôlô nu a mbem nsaa a nsoñgol ngéda,” hala wee i ngi yii nwii maa tjak, to sendi i nkôndba bé.
