Yésaya 52:1-15
52 Tôde ’ilo! Tôde ’ilo! Unda le u gwé ngui,+ a Siôn!+
Haba mambot moñ malam,+ a Yérusalem, a tison ipubhaga!
Inyule mut ngikweeba, to mut nyega a ga jôp ha bé i weeni.+
2 Telep a Yérusalem, kumb biték bi yé we nyuu, u yén.
Hohol minsañ mi yé we i joo, a ngond Siôn i i yé i minkôm.+
3 Inyule Yéhôva a nkal le:
“U bi nuñlana ngi moni,+u ga koblana ki ngi moni.”+
4 Inyule Nwet Bayemlikok le Yéhôva a nkal le:
“I bibôdle, litén jem li bi sôs i Égiptô le ba yén nyoo kiki bakén ba bôt;+i mbus ngéda, Lôk Asiria i tééñga bo ngi njom.”
5 “Kii me nlama boñ nano?” Hala nyen Yéhôva a mpot.
“Inyule litén jem li bi ke i minkôm yañga.
I bôt ba ñane bo ba nleñ diléla,”+ hala nyen Yéhôva a mpot,“ba nti bé jôl jem lipém ngéda yosôna.+
6 Inyu hala nyen litén jem li ga yi jôl jem;+inyu hala nyen ba ga yi yokel le men me yé i pot.
Ñ, memede yaga!”
7 Makôô ma mut nu a ñañal miñañ minlam ma yé malam kiyaga i ngii dikôa,+mut nu a nlegel nwin u nsañ,+mut nu a nlona miñañ minlam mi jam lilam,mut nu a nlegel nwin u tohi,mut nu a nkal Siôn le: “Nyambe woñ a nyila Kiñe.”+
8 Emble! Bôt boñ ba faa* ba mbédés kiñ.
Bobasôna ba nleñ diléla ntôñ,inyule ba ga tibil tehe* i ngéda Yéhôva a ga témbna Siôn.
9 Kona maséé, leña diléla ngem yada, a bahoma ba Yérusalem ba ba yé ntjék,+inyule Yéhôva a nhôgbaha litén jé,+ a kobol ki Yérusalem.+
10 Yéhôva a ñunda woo wé mpubhaga i bisu bi biloñ gwobisôna;+makas ma ’isi momasôna ma ga tehe i jam Nyambe wés a mboñ inyu tohol litén jé.*+
11 Nyodnana, nyodnana, pama munu homa nunu,+ ni tihba bañ yom nyega yo ki yo!+
Nyodnana ipôla yap,+ téédana libak linan lipubhaga,a bé ba ni mbegel bisélél bi Yéhôva.+
12 Inyule ni ga nyodi bé ni sehlaga,ni ga ke bé to ngwéé,inyule Yéhôva a ga bôk bé i bisu,+Nyambe nu Israel a ga ba ki bé i mbus.+
13 Nuna-ki! Ngwélél wem+ a ga boñ mam ni pék.
A ga bana tel ikeñi,a ga ba bañga mut, a kôhna ki ngandak lipém.+
14 Ngandak i bi hel i ngéda i bé béñge nye,inyule su wé u bi héñha, u ôbi iloo u mut binam nye ki nye,nyuu yé ilam i bi ôbi iloo i bôt ba binam bobasôna.
15 Hala ki nyen a ga hélés ngandak biloñ.+
Bikiñe bi ga yip manyo* i bisu gwé,+inyule bi ga tehe mam le ba bi añle bé bo,bi ga emble mam le ba bé ngi nok.+
Ndoñi
^ Béñge Ndoñi bibuk.
^ Tole “ba ga tehna mbom ni mbom.”
^ Tole “ma ga tehe yémbél i Nyambe wés.”
^ Tole “bi ga kwo mbuk.”
