Mika 1:1-16
1 I bibañga bini gwon Yéhôva a bi kal Mika,*+ mut Môréset, i dilo di Yôtam,+ Ahas+ ni Hézékia,+ bikiñe bi Yuda;+ a bi kôhna gwo ikété yiinda inyu Samaria ni Yérusalem:
2 “Emblana, a bôt ba matén momasôna!
Hisi ni i gwom gwobisôna bi yé mu, bi sédi maôô,Yéhôva Nwet Bayemlikok a mbok mbôgi ikolba bé,+Yéhôva a yé i témpel yé ipubhaga.
3 Nuna-ki! Yéhôva a nyodi i liyééne jé;a ga sôs, a kil i ngii dikôa di yé hana ’isi.
4 Dikôa d’a nyimbi isi makôô mé,+yak minsôsôgô* mi ga bôôkiki babi wéi ipañ hié,kiki i ngéda malép ma nkuli i mpuge.
5 I mam mana momasôna ma mbôña inyu ndok i Yakôb,inyu bibéba bi ndap Israel.+
Hee ndok i Yakôb i nlôl?
Baa i Samaria bé?+
Hee bahoma ba nyôgi ba Yuda ba nlôl?+
Baa i Yérusalem bé?
6 M’a yilha Samaria kiki likund ikété bikai,homa inyu sal nwom mi minkôô mi wai;m’a nyuge* ngok yé ikété nsôsôgô,m’a bii yak dikuu tjé i mbamba.
7 M’a nyugut mintjok nwé mi biôñgba,+yak makébla momasôna a bi kôhna mu libambe jé,* ma ga lék i hié,+m’a tjé bisat gwé gwobisôna.
Inyule gwom gwobisôna a bi kot bi yé nsaa u libambe,bi ga yila ki nsaa u bôda ba libambe bape.”
8 Inyu hala nyen me ga ee, me londok ki;+me ga ke makôô nso ni nyuu nso.+
M’a bégél kiki dibaa di njéé,yak maéya mem ma ga ba kiki ma njok hinuni.
9 Inyule poo yé i nla bé mal;+i mpam letee ni i Yuda.+
Himala hié hi mpam letee ni i nwemel u litén jem, i Yérusalem.+
10 “Ni legel bañ hala i Gat;ni ee bañ to.
Ni béñba ’isi i Bét-Afra.*
11 A bôt ba nyééne* i Safir, ni kee nyuu nso ni wonyuu yosôna.
I bôt ba nyééne* i Zaanan ba bi pam bé i mbégdé.
Minlénd mi ga ba i Bét-Ézel, to mahôla ma ga lôl ha bé bé nyoo.
12 I bôt ba nyééne* i Marôt ba bi bem jam lilam,ndi jam libe jon Yéhôva a bi lona i nwemel u Yérusalem.
13 A bôt ba nyééne* i Lakis,+ téña bihosi i kak.
Béba i ngond Siôn i bi lôl i weeni,inyule i weeni nyen ba bi léba mam mabe ma Israel.+
14 Inyu hala nyen u ga ti Môréset-Gat makébla inyu tjôla nye.
Mandap ma Akzib+ ma bi yila gwom bi malôga inyu bikiñe bi Israel.
15 A bôt ba nyééne* i Marésa,+ m’a témb me lona njogwét* i bééni.+
Lipém li Israel li ga ke letee ni i Adulam.+
16 Boña liseha, ni homb ki ño inyu bon banan ni ngwés ngandak.
Boña liseha kiki nyôgôl,inyule ba nhéya bon banan, ba kena bo i minkôm.”+
Ndoñi
^ I jôl lini li yé lihubhak li Mikael (hala a nkobla le “Njee a yé kiki Nyambe?”) tole Mikaya (hala a nkobla le “Njee a yé kiki Yéhôva?”).
^ Tole “bitegep bi mambok bi bi yé nyoo isi minsôsôgô.”
^ Ni hop Lôk Héber, “kôp.”
^ Tole “nsaa wonsôna u libambe jé.”
^ Tole “i ndap Afra.”
^ Ni hop Lôk Héber, “A muda nu a nyééne.”
^ Ni hop Lôk Héber, “muda nu a nyééne.”
^ Ni hop Lôk Héber, “A muda u nyééne.”
^ Ni hop Lôk Héber, “A muda u nyééne.”
^ Ni hop Lôk Héber, “A muda u nyééne.”
^ Tole “nu a nkadal.”
