Tibil kôôba nkwel woñ. Tibil nok nkwel woñ kayéle u laa toñol wo i nya i ntomb, u gwéélak bibuk gwoñ wemede.

Gwélél ndék bibuk, u gwélél ki bibuk bi bi ntomb i nok. I ta bé béba le u gwélél ngandak bibuk, ndi to hala, gwélél ndik ndék bibuk inyu yigye balôm ba matode.

Toñol bibuk bôt ba nyi bé. Ibale hala a nla bôña, u gwélél bañ bibuk bi baemble ba nyi bé. Ibale u nyéñ pot inyu mam ma yé bôt nkén, toñol mo; mam kiki bo nkén buk, mut Bibel i mpôdôl nu a nyiba ngandak, nlômbi hégél i kilô, tole nlômbi lem i loñ.