Inyu boñ le u tééda liwanda, u nlama kwélés jo. U ñemble nye yak nye a ñemble we. U nkal ki bôt bape mam mé malam. Hala ki nyen liwanda ni Djob li yé. Nun ki yom Bibel i mpot inyu jam lini:

Kwélés Yéhôva hiki ngéda i masoohe. “Ni téñbe ni masoohe.”—Rôma 12:12.

Añ bañga Djob le Bibel. “Tilna yosôna i nlôl ni Djob, i mbahal inyule i nti maéba, i yoiyak, i béhge i niigaga ki telepsép.”—2 Timôtéô 3:16.

Niiga bôt bape mam inyu Djob. “Jon kenana, yilhana banigil mu biloñ gwobisôna, . . . ni niigaga bo i tééda mam momasôna me bi kal bé.”—Matéô 28:19, 20.

 Tiige mawanda ma Djob bebe. “Nu a nhiôm ni bôt ba pék nyen a’ bana pék.”—Bingéngén 13:20.

Ke i makoda i Ndap Ane. “Di béñgna ki bés ni bés, le ndi hi mut a nyégha maasañ i kôna gwéha ni minson minlam, . . . di béhnaga bés ni bés.”—Lôk Héber 10:24, 25.

Hôla i nit nson u Ane. “Ndi hi mut a [ti] kiki a nkit i ñem wé, ha ni hiun bé, to nyégha nyu, inyule Djob a ngwés nu a nti ni ñem masé.”—2 Korintô 9:7.