DI NIÑIK KIKI BIKRISTEN
Gwéha i yé yimbne i bañga bikristen—Ni tôñ ndik bañ bé botama. Ni tjél ki nyumba
INYUKI HALA A YÉ NSEÑ: Yésu a bi niiga le gwéha yon i ga ba yimbne i banigil bé. (Yôhanes 13:34, 35) Inyu unda gwéha i kristen, di nlama yéñ loñge i bôt bape, di nwas ki nyumba—1 Korintô 13:5.
LELAA U NLA BOÑ:
-
Ngéda mut a nkal tole a mboñ jam li li mbabaa we, yoñ ngéda, u wan inyu yi kii i nlona ndañ, ni kii i nla pam ibale u ntimbhe.—Bingéngén 19:11
-
Bigda le bés bobasôna di yé bikwéha, ni ki le ngim mangéda di nla kal tole di boñ mam ma di yé di sôk tam
-
U pala sañgal mindañ
BÉÑGE VIDÉÔ I GWÉ ÑO LE “NI GWÉHNA”—NI TÔÑ NDIK BAÑ BÉ BOTAMA. NI TJÉL KI NYUMBA, I MBUS NI TIMBHE MANA MAMBADGA:
-
Kii ñunda le Lari a bi bep yoñ maéba ma Tom?
-
Lelaa i yoñ ngéda inyu ôt mahoñol i bi hôla Tom i keñgle nyumba?
-
Lelaa loñge ndimbhe i Tom i bi suhus hiun?
Lelaa i yén nwee ngéda ba nyumbla bés i nla ba loñge inyu likoda?
