INYUKI HALA A YÉ NSEÑ: Makoda ma nti bés pôla hiki ngéda i ‘tubul Yéhôva’ tjémbi ni i ‘bégés nye.’ (Tjémbi 149:1) I makoda, di nigil i boñ sômbôl i Djob. (Tjémbi 143:10) Bôt ba nleege maliga lôñni banigil Bibel ba mbéna pala hol ngéda ba mbôdôl lo i makoda.

LELAA U NLA BOÑ:

• Pala naña mut i lo makoda. U gwé bé le u bem letee u bôdôl yigil i Bibel inyu naña mut.—Masoola 22:17

• Toñle mut a nleege we i mam a ga tehe ni emble i likoda. Mam ma noñ ha ma nla hôla we i boñ hala: Lipep li nsébla i makoda, vidéô le Kii i ntagbe i Ndap Ane?, ni gwigil 5 ni 7 i man kaat le Bonjee ba mboñ sômbôl i Yéhôva i len ini?

• Ti mahôla. Baa i mbéda le u begel nye ni matôwa moñ, tole u hôla nye i pohol mambot ma kôli? Yén nye ipañ i likoda, boñ le a béñge mam ma mpôda mukété bikaat gwoñ. Yis bilôk bikéé njee mut a yé