Hiémbi 48 ni masoohe

Bibuk bi bisu (bi loo bañ 3 man.)

“Hiumul mu mbén Yéhôva”: (10 man.)

• Tjémbi 119:1-8—Bañga maséé i nlôl mu kii di nhiumul mu mbén i Yéhôva (w05 15/4 10 § 3-4)

• Tjémbi 119:33-40—Bañga i Djob i nti bés makénd di gwé ngôñ inyu yémbél mandutu ma niñ (w05 15/4 12 § 12)

• Tjémbi 119:41-48—Ngéda mut a ntibil yi Bañga i Djob, i nti nye makénd i téé likalô (w05 15/4 13 § 13-14)

Tibil tém inyu léba tik ngok i mbuu: (8 man.)

• Tjémbi 119:71—Limbe jam li nla ba loñge ngéda mut a nkôs ndééñga? (w06 1/9 14 § 3)

• Tjémbi 119:96—“Me bi tehe lisuk li biyônôl gwobisôna”. Bibuk bini bi nkobla le kii? (w06 1/9 14 § 4)

• Kii lisoñgol li sonde ini li niiga me inyu Yéhôva?

• Mambe matode ma lisoñgol li Bibel li sonde ini me nla gwélél inyu likalô?

Lisoñgol: (li loo bañ 4 man.) Tjémbi 119:73-93

Kôôba inyu ti bikaat bi sôñ: (15 man.) Nkwel ni baemble. Tuk hiki vidéô i ñunda ndémbél, i mbus u kwélél matode ma yé nseñ. Ti batéé likalô makénd i kôôba ndémbél yap bomede.

Hiémbi 69

“Ibale mañge nyen a nyibil likôga”: (5 man.) Nkwel.

Ngôñ likôda: (10 man.) Ibale ni gwé bé jam li tôbôtôbô, ni nla kwélél biniigana bi nlôl i Annuaire (Kaat i ñwii). (yb16-F 59-62)

Yigil i Bibel i likoda: (30 man.) ia-F pes 23 § 15-29 ni mbigda i ini pes 23 yosôna

Mbigda i mam di nigil, ni dinyo malép di sonde i nlo (3 man.)

Hiémbi 13 ni masoohe