I ma pémél hiki wada wés le a nimis maséé mé. Ibale di nimis maséé més, hala a nkobla bé le di mbôdôl ha bé Yéhôva ñem. Yak ngim mam i yé i siida Yéhôva ñem. (Bibôdle 6:​5, 6) Ndi kii di nla boñ ibale di nimis maséé més inyu ntandaa ngéda?

Bat Yéhôva mahôla. Yéhôva a nyi i mam ma ntagbe i niñ yés. A nyi i ngéda di yé maséé yak i ngéda di nimis maséé més. A nok bés loñge loñge. (Tjémbi 7:9b) Jam lipe li yé le Yéhôva a ntôñ bés, a nla ki hôla bés i ngéda di nimis maséé tole i ngéda di gwé kon u mahoñol.​—Tjémbi 34:18.

Yoñ yihe ni i mam u ñemble. I ngéda di nimis makénd, di nimis ndik bé maséé més, ndi hala a nla yak ôbôs maada més ni Yéhôva. Inyu hala nyen di nlama sôñ miñem nwés.​—Bingéngén 4:23.

BÉÑGE I VIDÉÔ INI LE LELAA BILÔK BIKÉÉ GWÉS BI MPAM I BANA NSAÑ TOLAKII BA NKON, I MBUS TIMBHE MAMBADGA MANA:

• Mambe mam ma tôbôtôbô Nikki a bi boñ inyu yémbél kon wé u mahoñol?

  Ndimbhe yoñ

• Inyuki Nikki a bi nôgda le a gwé ngôñ ni mahôla ma dokta?​—Matéô 9:12

  Ndimbhe yoñ

• Lelaa Nikki a bi éba le a mbôdôl Yéhôva ñem?

  Ndimbhe yoñ