Njel yada bagwal ba nla gwélél inyu hôla bon bap i kôhna pék i yé le ba hôla bon bap i ôt nseñ ni makoda. I mam boñge ba ntehe, ba nogok i makoda, yak mandimbhe map ma nla hôla bo i kônde yi Yéhôva ni i yila liwanda jé. (Ndiimba Mbén 31:​12, 13) Ibale u yé ngwal, lelaa u nla hôla bon boñ i ôt nseñ ni makoda?

• Boñ biliya i lo i Ndap Ane inyu tégbaha makoda.​—Tjémbi 22:22

• Tégbaha ngéda ni lôk kéé ilole likoda li mbôdôl, yak i ngéda likoda li mal.​—Lôk Héber 10:25

• Yoñ bitelbene le hiki mut mu i ndap lihaa a bana bikaat ba ngwélél i likoda

• Hôla man woñ i kôôba ndimbhe ni bibuk gwé nyemede.​—Matéô 21:​15, 16

• I ngéda u nkwel ni boñge, unda bo le makoda ma yé malam ni le i ngéda di nke nyoo, di nkôhna biniigana bi bi yé mahee

• Ti bon boñ makénd i ngéda ba nlama yoñ ngaba i pubus Ndap Ane, ti ki bo makénd i kwel ni lôk kéé i i yé miñunuk

I mbéda biliya bi ngui inyu hôla bon boñ i kôôge bebee ni Yéhôva. Ngim mangéda, hala a nla yak wéés we, ndi ba nkwoog nkaa le Yéhôva a ga hôla we.​—Yésaya 40:29.

BÉÑGE VIDÉÔ INI LE A BAGWAL NI BÔDÔL YÉHÔVA ÑEM, A NTI BÉ NGUI, I MBUS TIMBHE MAMBADGA MANA:

• Mambe mandutu waa i bi lona Zack bo Leah?

  Ndimbhe yoñ

• Lelaa bagwal ba nla bat Yéhôva mahôla?

  Ndimbhe yoñ

• Kii Zack bo Leah ba bi boñ inyu éba le ba mbôdôl Yéhôva ñem?

  Ndimbhe yoñ