Dihéga inyu ti bikaat bi sôñ
RÉVEILLEZ-VOUS! (TÔDE ’ILO!)
Mbadga: Baa u nhoñol le i yé nseñ le bôt ba héñha bilem gwap bibe ni bilam?
Pes kaat: Ñañal 7:8a
Inyu ti mbamble: I gwigil bini bi mpôdôl matiñ ma Bibel ma ma ñunda lelaa bôt ba nla ôt nseñ mu bilem ba gwé.
RÉVEILLEZ-VOUS! (TÔDE ’ILO!)
Mbadga: Ikété niñ yés, mahéñha ma yé mam le mut a nla bé keñgle. Baa u nhoñol le, lelaa di nla yémbél mo?
Pes kaat: Ñañal 7:10
Inyu ti mbamble: [Unda nye nkwel u u mbôdôl i lipep 10.] I yigil ini, i nti matiñ ma Bibel ma ma nla hôla bés i yémbél mahéñha.
EMBLE DJOB, NDI W’A NIÑ BOGA NI BOGA
Mbadga: Bésbobasôna, ibabé i hôya bijô gwés bi lihaa ni mawanda més, di gwé ngim jôl. Jon, kii u nhoñol inyu Djob? Jôl jé le njee?
Pes kaat: Tjémbi 83:19
Inyu ti mbamble: I man kaat nunu a ntoñol ngandak mam mape, ma Bibel i niiga inyu Djob. [Ti dinyo malép di mapep 6 ni 7.]
KÔÔBA NDÉMBÉL YOÑ WEMEDE
Ni njel dihéga ba nti hana ngii, bot yoñ ndémbél wemede inyu nson woñ u ñañ nlam.
