INYUKI HALA A YÉ NSEÑ: Inyu lémél Yéhôva, banigil Bibel ba nlama ti niñ yap nkikip yak Yéhôva, ba kôs ki sôble. (1 Pétrô 3:21) I bet ba ba niñ inoñnaga ni mbônga wap i ti bomede nkikip yak Yéhôva, Djob a ntat bo i pes mbuu. (Tjémbi 91:1, 2) Bikristen bi nti bomede nkikip yak Yéhôva—ha mut binam bé, to ngim nson, to ngim ntôñ. Inyu hala nyen, banigil Bibel ba gwé ngôñ i kéñbaha gwéha yap inyu Djob ni ti nye mayéga.—Rôma 14:7, 8.

LELAA HALA A NLA BÔÑA:

• Ngéda u ntégbaha yigil i Bibel, kwel ni nye i mam a nigil inyu Yéhôva. Yigye nseñ i soñgol Bibel hiki kel ni i soohe Yéhôva ‘ibabé waa.’—1 Tésalônika 5:17; Yakôbô 4:8

• Hôla nnigil Bibel woñ i yoñ makidik i ti nyemede nkikip yak Yéhôva ni i kôs sôble i dilo di nlo. Hôla ki nye le a yônôs bon ba makidik kiki bo, i timbhe i makoda tole i tééne bôt bé ba libôk ni mawanda mé ma bôlô likalô. Hoñol ki le, Yéhôva a ñénél bé mut nye ki nye i gwélél nye. I ti nyemede nkikip yak Yéhôva li yé makidik ma mut nyemede.—Ndiimba Mbén 30:19, 20

• Ti nnigil Bibel woñ makénd le a lona mahéñha i niñ yé inyu lémél Yéhôva, ni i yônôs matiñ ma Bibel inyu kôs sôble. (Bingéngén 27:11) Kiki ngim maboñog ni ngim bilem bi umi siñ ikété yés, nnigil Bibel a nla bana ngôñ ni mahôla moñ ntandaa ngéda inyu héya nlômbi mut ni engep mut yondo. (Efésô 4:22-24) Unda nye gwigil bi mbéna pam ikété La Tour de Garde (Nkum Ntat) ni ño nkwel u hop pulasi le “La Bible transforme des vies”

• Toñle nye maséé u ma kôhna ibôdôl nu u nsélél Yéhôva.—Yésaya 48:17, 18