Yésu a bi ti niñ yé kiki sesema inyu bikwéha bi bôt. (Rôma 5:8) Ibabé pééna, hala a nlémél bés i yi le Yésu a bi unda gwéha yé inyu yés ngéda a bi ti niñ yé. Ndi, ngim mangéda di nlama bigda bésbomede le Kristô a bi wél yak inyu bilôk bikéé. Lelaa di nla unda gwéha ipañ lôk kéé i bôlôm ni i bôda i i yé bikwéha kiki bés? Di béñge manjel maa. I bisu: Di nla bot mawanda ni bôt bape, yak ni ba ba ta bé litén jada ni bés. (Rôma 15:7; 2 Korintô 6:12, 13) I nyônôs iba: Di nla yoñ yihe le di pot bañ tole di boñ bañ mam ma nla unbaha bôt bape. (Rôma 14:13-15) I nyônôs aa: Ibale mut a mboñ bés béba, di nla ba bebee i nwéhél nye. (Lukas 17:3, 4; 23:34) Ibale di mboñ biliya bi ngui i kôna Yésu mu manjel ma mo maa, Yéhôva a’ kee ni bisu i sayap likoda le li ba ikété nsañ ni adna.

BEÑGE VIDÉÔ I GWÉ ÑO LE KÔNDE LÉMÉS LIBAK JOÑ! I MBUS TIMBHE MAMBADGA MANA:

• I bibôdle lelaa Miki a bé tehe likoda jé?

• Kii i bi boñ le mahoñol mé ma héñha?

• Lelaa ndémbél i Yésu i bi tinde Miki i héñha? (Markô 14:38)

• Lelaa Bingéngén 19:11 a nla hôla bés i bana loñge liteghe ipañ bikristen bipe?