DI NIÑIK KIKI BIKRISTEN
Bigdana nwaa Lôt
Inyuki nwaa Lôt a bi béñge mbus ngéda a bé pam i Sôdôm? Bibel i nti bé ndimbhe. (Bibôdle 19:17, 26) Mam ma nkéña mabéhna ma Yésu ma ñéba le bebek a bé a tiñi ni gwom a bi yék i mbus. (Lukas 17:31, 32) Kii i nla hôla bés inyu boñ le di nimis bañ gwéha i Djob kiki nwaa Lôt? Di nlama bé nwas le nyiña u bigwel moo u yila jam li bisu mu niñ yés. (Matéô 6:33) Yésu a bi niiga le di ‘ta bé le di gwéélak Nyambe di gwéélak ki Nkus.’ (Matéô 6:24) Ndi kii di nla boñ ibale di nyimbe le mam ma minsôn ma mbôdôl yoñ ngéda i mam ma mbuu? Di nla soohe Yéhôva le a hôla bés i tehe hee di gwé ngôñ i boñ mahéñha, a ti ki bés ngui i boñ mahéñha ma.
BIGDA MABOÑ MAA MA VIDÉÔ I GWÉ ÑO LE BIGDANA NWAA LÔT, I MBUS NI TIMBHE MANA MAMBADGA:
-
Ikété bibôñôl gwem, lelaa me nla unda le me ‘mbigda nwaa Lôt’?
Lelaa ngôñ i ngandak moni i bi yoña mahoñol, bipôdôl ni maboñok ma Glôria?
-
Inyuki jam li bi pémél nwaa Lôt li yé ndémbél inyu yés i len ini?
-
Lelaa i bii matiñ ma Bibel i bisélél i bi hôla Jôe ni lihaa jé?
-
Lelaa mawanda ma bôlô ma Ana ma bi hôyôs nye i pes i mbuu?
-
Inyuki di gwé ngôñ ni ñem ngui ibale ba ntinde bés i bii moni kiki jam li bisu mu niñ yés?
-
Lelaa Brian bo Glôria ba bi témb ba unda le mam ma mbuu ma yé jam li bisu mu niñ yap?
-
Mambe matiñ ma Bibel u nok ba mpôdôl munu vidéô ini?
