Bagwélél ba Yéhôva bobasôna ba gwé pôla i gwel minson mi Yéhôva a ga hôya bé kekikel. Kiki ngwal nu a ngwés bon bé a nla bé hôya mam malam bon bé ba mboñ, nlélém ni Yéhôva, a ga hôya bé nson wés ni gwéha di ñunda inyu jôl jé. (Matéô 6:20; Lôk Héber 6:10) I yé maliga le di mboma bé minlélém mi mam, di gwé bé ki to nlélém ngap. Ndi, ibale di ngwel nson u Yéhôva kiki la yés, di nla ba maséé. (Galatia 6:4; Kôlôsé 3:23) Hala a yé ngandak nwii nano le dikôô di bilôk bikéé bi bôlôm ni bi bôda di bi sal i Bétel. Baa yak we u nla ti ngéda yoñ inyu sal i Bétel? Ibale u nla bé, baa u yé le u ti mankéé numpe makénd i boñ hala, tole u yé le u ti nsal Bétel wada makénd i kena nson wé ni bisu?

TUK VIDÉÔ I GWÉ ÑO LE TI NGÉDA YOÑ INYU SAL I BÉTEL, I MBUS TIMBHE MAMBADGA MANA:

• Kii i nlama ti we ngôñ i sal i Bétel?

• Kii ngim lôk kéé i bi kal inyu bisai ba bi kôhna inyule ba bi sal i Betel?

• Mambe matode u nlama yônôs inyu sal i Bétel?

• Kii u nla boñ inyu ke i sal i Bétel?