Inyuki di nlama tégbaha ngéda ni bet ba ngwés Yéhôva? Mawanda més ma nla tinde bés i boñ mam malam tole mam mabe. (Bingéngén 13:20) Kiki hihéga, Kiñe Yôas a bi boñ “mam ma bé sép i mis ma Yéhôva” ntel ngéda yosôna a bé liwanda li Prisi Keñi le Yéhôyada. (2 Miñañ 24:2) I mbus nyemb Yéhôyada, Yôas a bi tjôô Yéhôva inyule a bi bôdôl bana maada ni bibéba bi mawanda.​—2 Miñañ 24:17-19.

I hiai hi bisu, ñôma Paul a bi hégha likoda ni “ndap keñi,” a hégha ki lôk kéé ikété likoda ni ‘biébél,’ tole gwom bi ndap. D’a ke ni bisu i ba “yom i ndap i lipém” ibale di ntjél bana maada ma bas bas ni nu ni nu a mboñ mam ma nlémél bé Yéhôva, to ibale i mut nu a yé mut wés lihaa tole mankéé ikété likoda. (2 Timôtéô 2:20, 21) Jon, di kee ni bisu i bot mawanda ni bôt ba ngwés Yéhôva, ni ba ba nti bés makénd i gwélél nye.

BÉÑGE VIDÉÔ I GWÉ ÑO LE NIGIL I TJÉL BILÔÑ BIBE, I MBUS TIMBHE MAMBADGA MA NOÑ:

• Lelaa di yé le di bôdôl bana mawanda mabe?

• Mu vidéô kii i bi hôla bikristen baa i tjôô mawanda map mabe?

• Mambe matiñ ma Bibel ma nla hôla we i pohol mawanda ni pék?