INYUKI HALA A YÉ NSEÑ: Yigil i Bibel yés bésbomede i ga hôla bés “i tibil yi pôk, ni ntel, ni ndip, ni nkwañ” u maliga. (Éfésô 3:18) Hala a nhôla ki bés i ba ngi nsohi, ngi liton li mahindi munu béba nkoñ ’isi, di téñbege “i añal bañga i niñ.” (Filipi 2:15, 16) Yigil i Bibel yés bésbomede i nhôla bés i pohol mam di nsômbôl nigil. Lelaa di nla tibil ôt nseñ ngéda bésbomede di nigil Bibel?

LELAA DI NLA BOÑ:

• Tand minlôñ, u tila yak balôm ba mam mu Bibel yoñ i yigil, to ibale i yé ni pépa tole ikété kei

• Kiki u mba u ñañ Lipôdôl li Djob, badba mambadga mana le: ‘Njee? Kii? Ngéda mbe? Hee? Inyuki? Lelaa?’

• Wan mam. Gwélél bisélél u gwé inyu boñ minyiña, yéñ ño nkwel tole nlôñ Bibel

• Soñda yom u ñañ inyu yi lelaa u nla bii yo i bisélél

• Bii yom u nigil i bisélél ikété niñ yoñ i hiki kel.​—Lukas 6:47, 48

BÉÑGE VIDÉÔ I GWÉ ÑO LE “NI TÉÑBE” NI NJEL BAÑGA YIGIL I BIBEL, MBUS U TIMBHE MAMBADGA MANA:

• Inyu bahogi, kii i yé yigil i Bibel i mut nyemede?

• Inyuki hiki ngéda di nigil bésbomede, di nlama bôdôl ni masoohe?

• Kii i nla hôla bés i tibil nok nlôñ u Bibel?

• Mimbe minsonol di nla gwélél ikété Bibel yés i yigil?

• Inyuki i soñda i yé nseñ ngéda di nigil Lipôdôl li Djob?

• Kii di nlama boñ ni mam di nigil?