Ibale u ntip yila ntéé likalô nu a yé ngi sôblana, tole u nigil Bibel, baa njômbi yoñ i yé le u kôs sôble? Inyuki u gwé ngôñ i sôblana? Maada moñ ma tôbôtôbô ni Yéhôva mon ma ntinde we i ti wemede nkikip ni i sôblana. (Tjémbi 91:1) Mam ma mon ma nla boñ le di kôs tohi. (1 Pétrô 3:21) Lelaa u nla yônôs i njômbi i?

Ba nkwoog nkaa le u nléba maliga. Ibale u mbadba mambadga, boñ nyiña. (Rôma 12:2) Yimbe mahéñha u gwé ngôñ i boñ, ngéda u mboñ mo, ba nkwoog nkaa le hala a yé inyu lémél Yéhôva. (Bingéngén 27:11; Éfésô 4:23, 24) Bat nye mahôla hiki ngéda ni njel masoohe. Ba nkwoog nkaa le Yéhôva a ga hôla we a nit ki we ni njel mbuu wé mpubi. (1 Pétrô 5:10, 11) Biliya u mboñ bi gwé mahee ngandak. I gwélél Yéhôva i yé jam li nlôôha ba lilam ikété niñ yés iloo mam momasôna di nla boñ!—Tjémbi 16:11.

BÉÑGE VIDÉÔ I GWÉ ÑO LE NJEL I NKENA I SÔBLE, I MBUS TIMBHE MAMBADGA MANA:

• Mambe mandutu ngandak bôt i bi boma ilole ba nkôs sôble?

• Lelaa u nla hôlôs hémle i kôli inyu ti wemede nkikip yak Yéhôva?

• Kii i bi tinde ngandak bôt i boñ biliya bi bé béda inyu kôs sôble?

• Lelaa Yéhôva a nsayap i bet ba mpohol i gwélél nye?

• Kii i ti wemede nkikip ni i kôs sôble bi nkobla?