Samuel a bi éba le a nhémle Yéhôva. Ngéda a bé mañge, a bi tjél kôna ndémbél ibe i bon ba Éli, Hôfni bo Finéhas. (1 Samuel 2:22-26) Ngéda a bi nañ, a bi ke ni bisu i ba mut hémle. (1 Samuel 3:19) Yak ngéda a bi un, a bi ke ni bisu i gwélél Yéhôva to lakii bon bé ba bi noñ bé ndémbél yé.—1 Samuel 8:1-5.

Kii ndémbél i Samuel i niiga bés? Ibale u yé mañge wanda, ba nkwoog nkaa le Yéhôva a nyi mandutu u mboma ni le a ga hôla we. A ga ti we ñem ngui. (Yésaya 41:10, 13) Ibale u yé ngwal, ndi man woñ a tjél gwélél Yéhôva, u nla bana hogbe i yi le to Samuel a bi nyégsa bé bon bé i gwélél Yéhôva. Ibale u mbii mam momasôna i moo ma Yéhôva, u ke ni bisu i gwélél Tata woñ nu gwéha le Yéhôva, bebek ndémbél yoñ ilam i ga boñ le man woñ a tiimba bôdôl gwélél Yéhôva.

BÉÑGE VIDÉÔ I GWÉ ÑO LE KII NDÉMBÉL YAP I NIIGA BÉS?—SAMUEL, I MBUS TIMBHE MAMBADGA MANA:

• Ngéda a bé mañge, lelaa Samuel a bi éba le a bééna ñem ngui?

• Lelaa Danny a bi éba le a gwé ñem ngui?

• Ngéda Samuel a bi un, lelaa a bi ke ni bisu i éba ndémbél ilam?

• Lelaa yak bagwal ba Danny ba bi éba ndémbél ilam?