Baa hiki ngéda, Yéhôva a nyi i yom i yé loñge inyu yés? Ibabé pééna! Di ñéba le di gwé pék ngéda di neebe le a éga bés. (Bingéngén 16:3, 9) Ndi, i neebe le a éga bés i nla lédél bés ngéda hala a nkiha bé ni jam bésbomede di nhoñol. Di nla kéñbaha botñem di gwééne Yéhôva ngéda di ñôt pék i ngii mam a bi hek.—Bingéngén 30:24, 25; Rôma 1:20.

BÉÑGE VIDÉÔ I GWÉ ÑO LE BAA LI BI HÉGA? INYUKI DISON DI NTÔMLANA BÉ NGÉDA DI NKE? I MBUS TIMBHE MAMBADGA MANA:

• Imbe bôlô dison di nsal hiki kel?

• Lelaa dison di mboñ inyu boñ le di tômlana bañ ngéda di nke?

• Ngéda bôt ba binam ba ntehe dison di nke nlôñ, kii hala a nla niiga bo?

BÉÑGE VIDÉÔ I GWÉ ÑO LE BAA LI BI HÉGA? NYÔI I MPUUWE I MBEBI IBABÉ LE I PIÑGLA, I MBUS TIMBHE MAMBADGA MANA:

• Imbe ndutu bôt ba binam ba gwé ngéda ba nluk hisiina hi avion?

• Ngéda mbebi i nhôñ, kii i nhôla i man nyôi nunu i yén siñ?

• Ibale bôt ba binam ba mpam i nigle i man nyôi nunu, kii ba yé le ba boñ?

Ngéda u mbéñge bihégél bi bi nkéña we, kii i ñéba we le Yéhôva a gwé pék?