Ikété bibégés bipubi, makoda ma yé nseñ ngandak. (Tjémbi 22:23) I bet ba nkodba inyu bégés Yéhôva ba nkôhna ngandak bisai ni maséé. (Tjémbi 65:5) Banigil Bibel ba mbéna hol bihôô bihôô ngéda ba mbôdôl lo i makoda.

Lelaa u nla hôla i bôt ba nigil Bibel ni we i lo makoda? U waa bañ naña bo. Éba bo vidéô ini le Kii ntagbe i Ndap Ane? Toñle bo inyuki i yé nseñ i lo makoda. (lff pes 10) U nla kal nye ngim jam u bi nigil i likoda li ntagbe tole li ni ga nigil i likoda li noñ. Ti i bôt ba nigil ni we bikaat di nigil i makoda. U nla ki ti bo mam mape ma mbéda inyu ba ha. I nla ba le ba gwé ngôñ ni mahôla inyu lo makoda. Biliya gwobisôna u mboñ inyu hôla nnigil Bibel i lo likoda ngélé bisu bi ga hôla nye i nok le Nyambe a yé toi ipôla yés.—1 Korintô 14:24, 25.

BÉÑGE VIDÉÔ I GWÉ ÑO LE HÔLA I BÔT WE NI BO NI NIGIL BIBEL I LO MAKODA, I MBUS TIMBHE MAMBADGA MANA:

• Imbe pôla Neeta a bi gwélél inyu naña Jade i likoda?

• Inyuki di yé maséé ngéda i mut a nigil Bibel ni bés a nlo makoda?

• Kii bi lémél Jade ngéda a bi lo likoda ngélé bisu?