Hiki nwii, bagwélél ba Yéhôva ba nkodba inyu tégbaha Bilôp bi Nwet. Ngandak sonde i bisu ni i mbus Bilôp bi Nwet, di yé di yoñ ngéda inyu kônde soohe Yéhôva ni inyu ti nye maéga inyu likébla likeñi a bi ti bés le binoñ. (Éfésô 1:3, 7) Kiki ’héga, di yé di boñ biliya i naña ngandak bôt i Bilôp. Lôk kéé ipe i nyoñ bitelbene inyu ba basañal ba pes ngéda, ba nti 30 tole 50 ngeñ i sôñ Matumb tole sôñ Matôp. Baa yak we u ngwés kéñbaha nson woñ mu ngéda Bilôp i? Kii i nla hôla we?

Ibale u ntibil tjek ngéda yoñ, u nla kônde kéñbaha nson woñ. U nlama boñ hala i bisu bi ngéda. (Bingéngén 21:5) Béñge lelaa u nla tibil tjek ngéda yoñ kayéle u yônôs njômbi yoñ mu ngéda Bilôp. Soohe Yéhôva le a sayap biliya gwoñ.​—1 Yôhanes 5:14, 15.

Lelaa u nla tjek ngéda yoñ mu ngéda Bilôp bi Nwet?