INYUKI HALA A YÉ NSEÑ: Yéhôva a néñés mbôô i maliga miñem mi bôt ba gwé “libak lilam inyu kôhna niñ boga.” (Minson 13:48; 1 Korintô 3:7) Di nsal lôñ yada ni nye, di gwéélak ngui yés téntén inyu hôla bôt ba mbii yom ba nigil i bisélél. (1 Korintô 9:26) Ba nlama tibil nok le sôble i yé nseñ inyu kôhna tohi. (1 Pétrô 3:21) Di nhôla bet ba nigil Bibel ni bés i yila banigil ngéda di niiga bo i boñ mahéñha mu biniñ gwap, i téé likalô, ni i ti biniñ gwap nkikip yak Yéhôva.​—Matéô 28:19, 20.

LELAA DI NLA BOÑ:

• Hôñlaha banigil Bibel le njômbi i yigil yap i yé le ba ‘pam i yi’ Yéhôva ni i lémél nye.​—Yôhanes 17:3

• Hôla bo i boñ mahol i pes mbuu kayéle ba yémbél manoodana, kiki bo bilem bibe ni bilôñ bibe

• Lédés bo, u ti ki bo makénd nwaa le ba nkôs sôble, u kee ki ni bisu i boñ hala i mbus sôble yap.​—Minson 14:22

BÉÑGE VIDÉÔ I GWÉ ÑO LE YÉHÔVA NYAMBE A GA HÔLA WE, I MBUS NI TIMBHE MAMBADGA MANA:

• Umbe woñi u nla kéñ mut i ti nyemede nkikip ni i yoñ sôble?

• Lelaa mimañ mi nla hôla banigil Bibel i hol i pes mbuu?

• Kii kaat Yésaya 41:10 i niiga bés inyu Yéhôva?

• Bimbe bilem bilam bi ga hôla bés i gwélél Yéhôva i nya i nlémél nye, to hala kiki di ta bé peles?