Botñem i yé kiki hikoba. (Lôk Héber 6:19) I nhôla bés le di yin bañ i pes i mbuu i ngéda di mboma mandutu ma yé kiki mbuk mbebi nu a nhôñ i ngii tuye. (1 Timôtéô 1:18, 19) Mbuk mbebi nu a nhôñ i ngii tuye, a nla ba mahôha més, a nla ki ba i nimis gwom tole moni, kon u u nlôôha nom, nyemb i mut di ngwés, tole jam lipe li li nla suhus ndéñbe yés i pañ Yéhôva.

Hémle ni botñem i nhôla bés i tehe le di ga kôs bisai ba bi bôn bés. (2 Korintô 4:16-18; Lôk Héber 11:13, 26, 27) Jon, to ibale di gwé botñem i niñ i ngii tole hisi, di nlama bana lem i jés botñem yés ngéda di soñda mimbônga mi Bañga i Djob i nsima. Sôk i nsôk, to ngéda bikuu bi ga kwél bés, hala a ga ba bés ntombok jam i tééda maséé més.—1 Pétrô 1:6, 7.

BÉÑGE INI VIDÉÔ LE BA MASÉÉ INYU BOTÑEM, I MBUS TIMBHE MANA MAMBADGA:

• Inyuki Môsé a yé ndémbél lam di nlama nigle?

• Basañ mbai ba gwé imbe mbegee ikété ndap lihaa?

• Mimbe minkwel ni nla wan mu kel ni ntjek i bégés Djob ikété ndap nan lihaa?

• Lelaa botñem i nla hôla we i kolba mandutu ni makénd?

• Bimbe bisai u mbem?