Hiôb a bi yémbél mahoñol mabe
Satan a ngwélél bitembee inyu tômbôs bagwélél ba Yéhôva i len ini. Béñge maselna ma yé ipôla bitembee bi Satan ni mam Yéhôva a nôgda toi, kiki kaat Hiôb i ñunda. Tila ki bipes bi kaat bi Bibel bipe bi bi ñunda le Yéhôva a ntôñ ni we.
BITEMBEE BI SATAN |
MAM YÉHÔVA A NÔGDA TOI |
---|---|
Djob a nlôôha let kayéle to kii bagwélél bé ba mboñ i nkola bé inyu lémél nye. Hégél yo ki yo i nla bé kônha ñem wé maséé (Hiôb 4:18; 25:5) |
Yéhôva a ndiihe ndék biliya di mboñ (Hiôb 36:5) |
Mut binam a gwé bé nseñ wo ki wo i mis ma Djob (Hiôb 22:2) |
Yéhôva a neebe, a saibak ki ndéñbe yés i gwélél nye (Hiôb 33:26; 36:11) |
Djob a gwé bé i yi too di téé sép too di ta bé (Hiôb 22:3) |
Yéhôva a ntat bôt ba téé sép (Hiôb 36:7) |