24-30 matôp
Yérémia 29-31
Hiémbi 27 ni masoohe
Bibuk bi bisu (bi loo bañ 3 man.)
MASÔÔ MA NKUS MA BIBEL
“Yéhôva a bi bôn malômbla ma yondo”: (10 man.)
Yérémia 31:31—Ba bi pot inyu malômbla ma yondo, mbôgôl ni mbôgôl ñwii i bisu bi ngéda (it-1 80 § 5-6)
Yérémia 31:32, 33—Malômbla ma yondo ma yé mahéñha ni malômbla ma kwañ (jr 173-174 § 11-12)
Yérémia 31:34—Malômbla ma yondo ma nla boñ le di kôhna nwéhél i bibéba gwés (jr 177 § 18)
Tibil tém inyu léba tik ngok i mbuu: (8 man.)
Yérémia 29:4, 7—Inyuki ba bi kal Lôk Yuda i i bé minkôm le ba ‘yéñ nsañ’ i Babilôn, ni lelaa di nla nigle bo? (w96 1/5 11 § 5)
Yérémia 29:10—Lelaa nlôñ kaat unu u ñunda le mbañ i Bibel i yé maliga? (g 6/12 14 § 2-3)
Kii lisoñgol li Bibel li sonde ini li niiga we inyu Yéhôva?
Imbe tik ngok i mbuu ipe u nléba ikété lisoñgol li Bibel li sonde ini?
Lisoñgol li Bibel: (li loo bañ 4 man.) Yérémia 31:31-40
LIGIP YAGA I NSON U ÑAÑ NLAM
Nkwel u bisu: (u loo bañ 2 man.) Matéô 6:10—Niiga maliga.
Lipeple: (li loo bañ 4 man.) Yésaya 9:6, 7; Masoola 16:14-16—Niiga maliga.
Nkwel: (u loo bañ 6 man.) w14 15/12 21—Ño nkwel: Kii Yérémia a bééna mahoñol ngéda a bé pôdôl inyu Rahel nu a bé ee bon bé?
DI NIÑIK KIKI BIKRISTEN
Mam di nlama bigda inyu likoda li ndôn: (15 man.) Nkwel. Hôñlaha bôt matode ma tôbôtôbô ma ma yé mu minkwel mi gwé ño le:“Mam di nlama bigda inyu likoda li ndôn“ ni “Hônd inyu tjam mapep ma nsébla ma likoda li ndôn.” Mini minkwel mi nyôñna ikété Niñ yés ni nson wés u bikristen—Kaat likoda li ñem sonde Matôp 2016. Tuk vidéô ini le Mam di nlama bigda inyu likoda li ndôn. Ti bagwal makénd i tila nomba yap nsiñga i mbus yimbne ba nkéi i tôl i bon bap batitigi. Hala a ga hôla baleege i sébél bagwal ibale man a nimil. Ti bôt makénd inyu likoda li ndôn li ñwii 2017.
Yigil i Bibel i likoda: (30 man.) kr pes 11 § 22-28, ni mbigda Le Royaume est-il réel à vos yeux ?
Mbigda i yigil, ni dinyo malép di sonde i nlo (3 man.)
Hiémbi 89 ni masoohe