Dihéga inyu ti bikaat bi sôñ
RÉVEILLEZ-VOUS! (TÔDE ’ILO!)
Mbadga: Bisinima ni nkuu biliñgeliñge bi mbéna pôdôl miñañ mi bôt ba makañ, kii héga, bôt ba liemb ni babo ngambi. We u nhoñol lelaa? Baa di nla yoñ gwo kiki yañga jam, tole ngim béba i sôli mukété?
Inyu ti mbamble: I Réveillez-vous ! nunu a ntoñol inyuki bôt ba ngwés makañ, ni kii i sôli mu mbus.
NIIGA MALIGA
Mbadga: Lelaa Ane Djob y’a mélés mandutu ma nkoñ isi unu?
Pes kaat: Matéô 6:10
Maliga: Ane Djob i ga lona nsañ, adna, ni libak li nwee munu nkoñ isi, nlelem kiki i bi boñ nyoo i ngii.
KII I YÉ ANE DJOB? (Lipeple)
Mbadga: [Mu pes i nsôk i lipep, unda nye mbadga ini.] Niñ y’a ba lelaa isi Ane Djob?
Bipes bi bikaat: Tjémbi 37:29; Yésaya 65:21-23
Inyu ti lipep: [Éba nye man kaat le Miñañ minlam.] Yigil 7 i man kaat nunu i ñunda kii mini mimbônga mi nla kobla inyu we ni me. [Bôdôl yigil i Bibel lôñni i man kaat nu.]
KÔÔBA NDÉMBÉL YOÑ WEMEDE
Ni njel dihéga ba nti hana ngii, bot yoñ ndémbél wemede inyu nson woñ u ñañ nlam.